المساعد الشخصي الرقمي

مشاهدة الإصدار الكامل : زواج عن طريق النت او الهاتف؟؟؟؟؟؟

المتحريه الشرجاويه
05-05-2003, 13:46
أخي الكريم أختي الكريمة هل تقبل أيها الأخ أن تتزوج من امرأة تعرفت عليها عن طريق الهاتف اوالنت؟!




أرجو من الجميع أن يشاركوا في هذا الموضوع ومن الطرفين!@!








منقول للنقاش !!!!!!!!!!!!!!!
الصوت الجريح
05-05-2003, 15:08
المتحرية الشرجاوية

الحمد لله أني متزوج و لو كنت مب متزوج كنت بجاوبج..
بس أعتقد أنه راح يكون زواج فاشل وراح يكون الشك موجود
المتحريه الشرجاويه
05-05-2003, 20:10
تسلم اخوي بوميثاء



ومشكووور على الرد;)
المحامية الشرجاوية
06-05-2003, 01:07
هلا
اخوي بوميثاء مب شرط يكون زواج فاشل,,, انا بصراحة وايد اعرف بنات وسمعت قصص عن الزواج عن طريق الهاتف وكل الي سمعت عنهم الحمدالله عاييشين حياتهم وعندهم عيال واعمارهم قريب الاربعين لو تعرف.
المتحريه الشرجاويه
06-05-2003, 20:28
:D


تسلمييييين اختي المحاميه الشرجاويه على الرد



;) مشكووره


-127- سلامي -127-
شرجاوي وبس
06-05-2003, 23:37
في اعتقادي الشخصي أن الطرفين سيظل لديهم الشك كامن في الداخل. فبما أن الرجل والمرأة قبلا التحدث مع شخص عبر التلفون في يوم ما فما المانع من عمل الشئ نفسة مرة أخرى. صحيح قد ينجح الزواج مع البعض ولكنه سوف يفشل مع البعض الآخر لأني وبكل صراحة لي معرفة بعدة اشخاص حدث معهم نفس الشئ.
المتحريه الشرجاويه
07-05-2003, 08:28
:D


تسلم اخوي شرجاوي وبس على المشاركه


مشكووور;)


-127- سلامي -127-
الصوت الجريح
07-05-2003, 08:29
المحامية الشرجاوية

ردي لج من ضمن كلام الأخ شرجاوي وبس







-127- بوميثااء -127-
روضة
07-05-2003, 08:41
مشكوره اختي المتحريه علىالموضوع بس انا مع الخواني بو ميثاء وشرجاوي وبس ..

وان سمعة قصص وايد انهم عايشين مع بعض وعندهم اعيال بس اتخيلي انه اراقب تلفونها وشوف مع امنو ترمس لدرجه انه يسمع مكلامتها مب اشوف الرقم يعني اتخيلي اتكون حياتج ابهاي اطريقه ..من عقب العز الي عشتيه في بيت ابوج ودلع وكل الي تبغينه اكون عندج الحين شو ؟؟

ولا شي ولا حتى اتفكر تاخذ حريتها لم اتكلم صديقاتها في تلفون شوفي لوين اشك..
المتحريه الشرجاويه
07-05-2003, 08:44
:D

تسلم اخوي بوميثاء على الرد

وتسلمين اختي روضه



;) مشكووورين



-127- سلامي -127-
ا لــصــقــر
07-05-2003, 09:55
ربما ينجح الزواج او يفشل على حسب الازواج...
الملكة الشرجاوية
07-05-2003, 11:14
نجاح الزواج وفشله يعتمد على تفكير الزوجين ..

يعني إذا الولد بيتزوج لازم يفكر تفكير عميق باللي بياخذها ..
ليش ما يعطي هذي البنت فرصة في إنها تتغير .. وتصطلح .. وما يحاسبها على خطا سوته .. أنا متأكدة إنه البنت أسهل من الولد في الصلاح ..

والبنت يوم بتاخذ الولد وبتحاسبه على خطأ إرتكبه فأكيد هذا الزواج راح يفشل .. لازم تكون زوجه بمعنى الكلمة تقدر تدير بيتها وزوجها وما تقصر ..

كل الناس تغلط .. بس المهم التوبه .. والتوبه الصالحة .. في إنه هذا الغلط ما يتكرر ..

أنا متأكدة إذا الزوج ما حاسب زوجته على خطأ ارتكبته ..
ولا الزوجة حاسبت زوجها على خطأ ارتكبه ..
وبدوا صفحة يديدة ..
فأكيد الزواج بينجح ..


تحياتي -231-
عيمي_من_العين
07-05-2003, 13:37
السلام عليكم اخواني و خواتي

ممكن اشارك وياكم في هذا الموضوع ...؟


في البدايه حبيت اشكر اختي المتحريه على هذا الموضوع المهم و المنتشر في هذا الوقت ....؟؟


و الله انا الي اشوفه انه هذا الزواج ما اعتقد انه بيكون زواج ناجح لانه كيف تبونهم يعيشون حياه سعيده و هم كل واحد يعرف عن الثاني كل شي اقصد انه الوحده اتعرف انه هذا الشخص كم وحده كان مكلم قبلها و هو بعد يعرف هي كم واحد كانت مكلمه قبله و كم انسان حبت يعني مهما كانت علاقه الحب بينهم قويه بس لازم بي يوم وبيزعلون من بعض و اول شي بيسونه انه كل واحد بيعاير الثاني بسوالفهم قبل الزواج يعني هذي اشياء معروفه ....

ثاني شي .....مافي ريال في هي الدنيا ما عنده غيره و شك يعني على اقل حركه منها بيعصب و بيشل الدنيا و بيقعدها هذا مب عشان شي بس لانه يعرف ماضيها و يعرف بعد كيف كانت بداية علاقته فيها


على العموم ما بطول عليكم اكثر و اتمنى انه محد يزعل مني ولا يحط في خاطره لانه هذي وجهت نظري انا في الموضوع ....بس في سؤال مهم لازم نحطه في بالنا عدل .....


هل هذا هو الزوج المناسب او الزوجه المناسبه لي عشان انعيش العمر كله ويا بعض؟ ( و انتبهوا على كلمه العمر كله ) يعني الزواج مب حق يوم و ليله او حق اول شهر... لا هذا شي بيكون حق العمر له ان شاء الله ...


مشكورين اخواني على هذا الموضوع و انا اسف اذا طولت عليكم .. و اتمنى للجميع حياه زوجيه سعيده ان شاء الله

مع تحياتي

عيمي_من_العين
المتحريه الشرجاويه
07-05-2003, 15:09
:D


تسلمووون اخواني روماريو و الملكه الشرجاويه و عيمي من العين على الردود



;) مشكووووورين


-127- سلامي -127-
شرجاوي وبس
07-05-2003, 15:36
اسمحي لي اختي "الملكة الشرجاوية" بس انتي ذكرتي أن البنت أسهل من الولد في الصلاح!! ليش اتقولين جذه؟؟ مافي فرق بين الذكر والأنثى في هذا الموضوع. للأسف أنا اعرف رجل تعرف على امرأة عن طريق ((المغازل مثل ما يقولون)) وهو اصطلب واستوى ريال زين وهي نفس الشئ بس اتصدقين انها بعد أربع اطفال قامت اتواعد وتطلع ويا شباب لين بعد فترة طويلة اكتشف وطلقها :rolleyes:

بس طبعا مثل ما ذكروا الاخوة والأخوات أن الموضوع يعتمد على الشخص نفسه سواء الرجل أو المرأة.
المتحريه الشرجاويه
07-05-2003, 15:39
:D

تسلم اخوي شرجاوي وبس على الرد


;) مشكووور
الملكة الشرجاوية
07-05-2003, 15:44
أخوي شرجاوي بس ..

دوم البنت .. بحساسيتها ورقتها وطيبتها .. تكون سهلة المنال في كل شي ..
بس ممكن إنه الشخص اللي تتلكم عنه ممكن إنه ما عرف كيف يصلح من زوجته .. لأنه الصلاح يتعمد على الطريقه اللي يتبعها الأشخاص في صلاح غيرهم ..
هذا رأيي واتمنى إنك ما تنزعج منه .. ورأيك على عيني وعلى راسي ..


تحياتي -231-
الملك الشرجاوي
07-05-2003, 15:50
السلام عليكم ورحمة الله وبركاته،

تسلمين على الموضوع اختي" المتحريه الشرجاويه " .

والصراحه مواضيعج حلوه وحساسه فنفس الوقت .

*اعقد انه هذا الموضوع وايد منتشر عند الشباب والشابات...(موضوع شائك ) .

*بس مثل ما قالوا الاخوان بعض حالات الزواج اللي صارت عن طريق النت والتيلفون نجحت وبعضها فشلت...

*بس أغلب الحالات تفشل ...تعرفون ليش...( لانه ما يبنى على الباطل فهو باطل ).....صح والا لا.

* الشك والوسواس (خاصة من الزوج ) راح يطارد زوجته...

* مثال ذلك ( وين سايره....مع منو تتكلمين ...ماشي طلعه ... خلاص فنشي من الشغل ...) يعني بيسأله فكل شارده ووارده...

*وبالتالي تنهدم الحياه الزوجيه لانه الوسواس بياكل عقل الزوج...

*وفالنهايه تنخرب بيوت مثل ما يقولون...(وجهة نظر ) .


اخوكم،،

الملك الشرجاوي..
المتحريه الشرجاويه
07-05-2003, 15:55
:D


تسلم اخوي الملك الشرجاوي على الرد


مشكوور
الصوت الجريح
07-05-2003, 17:25
بو طبيع ما ييوز عن طبعه








-127- بوميثااء -127-
شرجاوي وبس
07-05-2003, 21:07
بس يا اختي الملكة الشرجاوية يوم تكلمنا في احد المواضيع وقلنا كل واحد يوصف نفسه بثلاث كلمات كذا بنت كتبت انها عنيده ومزاجيه. فكيف انتي تين واتقولين ان البنت سهلة المنال!!
المغروره
07-05-2003, 21:34
مب كل البنات شرات بعض:o

واصابع ايدك مب وحده ..


والسموووحه:)
شرجاوي وبس
08-05-2003, 00:54
امبلا نفس الشئ عندي انا ، انتو ما ادري عنكم كيف!!
المغروره
08-05-2003, 01:00
والله انت يمكن فيك اعاقه وانا مادري:D :p


والله الاستعباط واصل حده عندك:o
روضة
08-05-2003, 10:47
اسمحلي اخوي شرجاوي وبس

مب كل ابنات شرات بعض وكل شخص يختلف عن اثاني
مستحيل كلهم مثل بعض


بوميثاء

امنو قالك اذا الحرمه كانت تعرف ريالها قبل ازوج انها راح اتكلم غيره

صدقني هاك الوقت هي الي بتخاف علي عمرها وما اعتقد انها بتفكر

تطلق لانها هي الي ختارت اريال والكل بيقولها انتي الي خترتيه يعني

اتحملي غلطتج .. اصلن هي بتحاول تبعد اشك عنها اب اي وسيلها علشان م تخسر حياتها ومستقبها هذا اذا كانت خايفه علي حياتها وغير عن جي اذا اتحبه ما اعتقد انها بتخونه الاتفه السباب


ما دمنا اتكلمنا علن طبعهم ومحد يقدر اغيرها

يمكن هي ما اتعرفت عليه قبل ازواج بس كانت تعرف
غيره شو بيكون الوضع ؟؟؟ ما اعتقد انه يختلف بس الفرق انه ما يعرف شي بس يمكن في الحظه يعرف او ما يعرف بس بعد يعني
في وايد حريم قبل ما يعرسون كانو يرمسون شباب بس لم عرسوا خلاص الماضي راح واهم شي هو ريلها وعيالها وما اعتقد انه في شي اهم عنهم ..وغير عن جي كل وحده اتقول ليش انا ابغي اطلق شو الفايده اصلن ..لو هي بتعيش وي ريال بس مب مرتاحه هاك الوقت لزم هي اتفكر بعيالها وبتربيهم احسن تربيه مب علشانه او علشانها علشان العيال محد اقول عنهم انهم اعيال افلنه ما خلت واحد ما عرفته باجر كله بيترتب على سمعتها سمعت اعيالها ...وغير عن جي البنت اذا غلطت غلطه .. مجتمعنا ما راح يرحمها بس اريال غير وما اعتقد انه في وحده عاقله بتسوي هاشي

هذا رايي وحبيت اقوله
المتحريه الشرجاويه
08-05-2003, 11:03
:D



تسلمووون اخواني بوميثاء وشرجاوي وبس والمغروره على الرد


مشكوووورين


:p صح مو كل البنات نفس الشي
المتحريه الشرجاويه
08-05-2003, 11:04
:D



وتسلمين اختي روضه
الملكة الشرجاوية
10-05-2003, 14:09
أخوي شرجاوي وبس ..
البنت مزاجية وعنيدة في كل الأمور .. إلا في الأمور اللي تتعلق بالزواج .. والحياة الزوجية ..


تحياتي -231-
شرجاوي وبس
10-05-2003, 16:23
بس اختي نرجع وانقول مب كل الناس شرات بعض (صح؟)
ا لــصــقــر
10-05-2003, 18:46
اسمحولي على الكلام.. بس بقول اللي في خاطري..


الريال هو اللي بيخلي البنت زينه وملتزمه و ربة بيت ممتازه بمعاملته الزينه ولطفه وطيبته بغض النظر عن ماضيها ولو كان مب شي

والريال نفسه هو اللي بيحول المراه الملتزمه والمحترمه الى امراه غير صالحه و ضايعه بمعاملته القاسيه وعدم الاهتمام بالزوجه

همسه اخيره : معظم حالات انحراف الزوجه بسبب اهمال الزوج ...


وشكرا...
شرجاوي وبس
10-05-2003, 19:02
اسمح لي اخويه في ان اعارضك في الهمسة الأخيرة
ا لــصــقــر
10-05-2003, 19:07
انا احترم رايك...

اختلاف في الراي لا يفسد للود قضيه..;)
شرجاوي وبس
11-05-2003, 01:29
واحد يبغي يسوي مشاكل:

أقول لك يفسد يعني يفسد :p
الملكة الشرجاوية
11-05-2003, 09:18
الزوج يقدر يصلح الزوجة ..
والزوجة تقدر تصلح الزوج ..
لازم واحد منهم يقدم بعض التنازلات ..
حتى تديم عليهم نعمة السعادة الزوجية ..


تحياتي -231-
ا لــصــقــر
11-05-2003, 16:55
كلامج يا الملكه صحيح 100%
المتحريه الشرجاويه
11-05-2003, 18:27
تسلم اخوي روماريو على الرد;)