المساعد الشخصي الرقمي

مشاهدة الإصدار الكامل : دوري الرشاوي والمنشطات والظلم التحكيمي

شارجنتوس
26-02-2003, 12:32
يأخوان ما تلاحظون أن الدوري من خمس أنحصر بين فريقين ... جان زين الدوري بس حتى الكأس والسوبر ... والبطولات الأسيوية ما يقدرون لها أكيد في سبب
بتقولون الأهتمام بالقاعدة بقول على عيني ورأسي الوحده من أفضل الأندية بالدوله من ناحية الأهتمام بالقاعدة وحتى العين ...
بس بعد تفكير .. ليش بعد التفكير أقول وأبصم بالعشرة أن هالفريقين ما كانوا بيحتكرون البطولات لو مأحتكروا أجانب الأندية الثانية واللعيبه الثانيين بالرشاوي ... صح أن الغلط من اللعيبه أللي ما عندهم إخلاص لفانيلة ناديهم بس هالناديين بدوا بالرشاوي ... وخلوا اللعبة قصدي الدوري مثل الدوري السوري قولولي شو الفرق ياجماعه .. بس هناك عادي هالشئ ومقبول بس عندنا لا الدوري نظيف على منو ياجماعه ( والقهر يرشون حراس الأنديه أللي يفوت هدف يعطونه 20.000 ألف درهم ) هاي التسعيرة مب موجوده بعد بأمريكا الجنوبيه
وأقول بعدها المافيا والعصابات ما دخلت في الدوري والله يعيين
والمنشطات خبروني ياجماعه لو في كشف عن المنشطات جان العين الوحده لعيبتهم كلهم موقوفين ... عيل ياجماعه لاعب مثل (سالم جوهر) من زمن عدنان الطلياني وزهير يلعب ... يلعب ولا لاعب بالعشرين ... حطوها في راسكم وفكروا فيها وقولولي شو رايكم هذا اللاعب مثال مب هو الوحيد بالساحه
والتحكيم حدث ولا حرج تبا توصل العالمية كون ويانا وبنعطيك الشاره .. إذا وقف يإتحاد كلباء ولا بني ياس شو بيحصل ما بيوصل بيخلون يحكم لليهال
والسموحه
الزعيم الشرجاوي
26-02-2003, 13:49
والله ياخي صادق في كل كلمة قلتها

بس نسيت سالفة التجنيس

وبعدين يقولولك إهتمام بالقاعدة
نصراوي
26-02-2003, 14:43
ههههههههههالرشاوي موجودة..وأؤيدك....بس هل عندك دليل ...تقنع الاتحاد....
حمووودي
26-02-2003, 17:42
شباب شو نسوي هذا واقع
شرجاوي وبس
26-02-2003, 18:32
جزء من كلامك صحيح..

بس مثل ما قالوا لك الجماعه:-

عندك دليل
-11-
نصراوي
26-02-2003, 20:09
شوفوا مستوى بعض اللاعبين في الدوري كيف.ومع المنتخب كيف...
ا لـشـمـا لـى
26-02-2003, 20:24
وهذا يقودنا الى المطالبة للمرة الالف بعملية فحص للكشف عن المنشطات بعد كل مباراة لتتحقق العدالة المرجوة .. اذا بغينا نستوى مثل العالم والناس.
الصوت الجريح
26-02-2003, 21:54
لوكان اللاعب المرتشي ذكي جان بيضرب عصفورين بحجر..تدرون كيف..

يوم بيجون أعضاء النادي اللي يبغون يرشون اللاعب من المفروض أنه يرحب فيهم ويتناقش وياهم عن موضوع الرشوه وفي النهايه ياخذ الرشوه اللي متفقين عليها وعقب يلعب المباراة بضمير ولا كأنه مرتشي..
واللي راشي اللاعب مايقدر يفضح عمره ويقول للاعب جيب البيزات اللي عطيناك إياها..D: D: D:
عجايب
27-02-2003, 01:04
شر2003جاوي ... :D


ا لـشـمـا لـى .. هاي عاد الي من سابع المستحيلات ان الاتحاد يسويها !!
الزعيم الشرجاوي
27-02-2003, 08:13
أخوي الشمالي شو الفائدة

مادام إنك مسيطر على الحكام أكيد بتسيطر على الأطباء

وبالنسبة لشرجاوي وبس ونصراوي

علبالكم الإتحاد ما عنده خبر !!!!!!!!!!!!!!
سيناتور شرجاوي
27-02-2003, 12:32
كم رمسنا قبل

كم قلنا

بس في حد يسمعنا

؟؟
الــخـيـّـال
01-03-2003, 13:55
أول شي أحب أشكرك على هالموضوع الحلو ..

اللي ابا اقوله ان الرشاوي موجودة وفي كل انحاء العالم ..لا تقولي بس في الامارات .. الرشاوي موجودة حتى في اقوى دوري في العالم اللي هو الدوري الايطالي .. بس العيب ان يطلع من شخص مسلم وما يخاف ربه ..

وبخصوص اتحاد الكرة !! يكون في علمك اتحاد الكرة ما يقدر يعمل أي شي لأن ...................... ؟؟ افهمها عاد وخلك حلو يا حلو

وفي دليل ثاني يا جماعة الخير .. تصريح الحارس الأمين محسن مصبح لما قال لجريدة الخليج ( لو قبلت الرشاوي اللي كانت تعرض علي لأصبحت مليونير )

وعشان المنشطات !! بقولكم اياها حتى لو طبق اتحاد الكرة بفحص المنشطات بعد كل مباراة .. صدقني محد يقدر يقول ان لاعب العين أو الوحدة ماخذ منشطات ..


تحياتي لكم :)