المساعد الشخصي الرقمي

مشاهدة الإصدار الكامل : اختبر معلوماتك ....

عجايب
03-04-2003, 00:55
السلام عليكم ..

كل واحد يحط سؤال يختبر فيه باقي الاعضاء .. بس بشرط انه يجاوب على سؤال العضو الي قبله .. يعني انا بحط سؤال والي يجاوب على سؤالي يحط سؤال يديد .. اتمنى مشاركتكم ..

طبعا الاسئله تكون عامه وفي كل المجالات .. عاد ما نبغي اسئله تعجيزيه ;)


سؤالي يقول ..

ما اسم اول معركه بحريه اسلاميه ؟؟
الملكة الشرجاوية
03-04-2003, 02:00
فكرتج حلوة عجايب..

وأنا أول المشاركين ....
الجواب هو:
معركة ذات الصواري اللي كانت بين المسلمين والبيزنطيين في البحر المتوسط ..في عهد الخليفة عثمان بن عفان_رضي الله عنه.. وكانت سنة 34هـ .. حتى إنه المسلمين انتصروا فيها على الرغم من إنها أول معركة بحرية قاموا بها ..

سؤالي: ما هي أكبر صحراء في العالم؟
شرجاوى من دار الحي
03-04-2003, 09:22
اعتقد انها الصحراء الكبرى في افريقيا

شو اسم الفلاح الي عق طيارة الاباتشي في بغداد؟
مع اني متاكد انه ما يعق حمامه(:
ا لـشـمـا لـى
03-04-2003, 15:38
هذا منقاش و الاجر على الله ...

التقى الشارقة والشعب مرة فى نهائى الكاس .. مطلوب النتيجة .. ومن سجل الاهداف
عجايب
05-04-2003, 15:32
اخوي الشمالي ..
محد يعرف .. الظاهر معلوماتنا عاليه ومثقفين وايد .. ;)

لو سمحت جاوب وبعدين حط سؤال ثاني .. بس اسهل :o
MALINKO
05-04-2003, 16:04
ههههه لا أنا كنت بجاوب بس خلاص مادام بوناصر بيغير حر ههههه
شرجاوي وبس
06-04-2003, 00:20
ا لـشـمـا لـى
شو ناوي علينا انطلع الغباراللي في مخنا:p
انا والله ناسي بس اعتقد 3/1
ا لـشـمـا لـى
06-04-2003, 01:06
عجايب .. ما بغير السؤال ..:p

عزوز .. خل عنك هالسوالف .. وجاوب ;)

بونورة .. افا عليك بس .. هذا اللى قدرت اطلعه من مخك ؟؟:D

جوابك غلط .. لا وناقص بعد لأنك ما ذكرت اللى سجلوا الاهداف ;)

الملكة الشرجاوية .. حاولى مرة اخرى -220-

تحياتى للجميع :)
المشعوذه
06-04-2003, 02:29
انا بجاوب : ( ان شاءالله بس جوابي صح )


فزنا على الشعب 2/ صفر

و سجل الاهداف ... حيدر .. مادري شو اسمه .. و يمكن عزوز ( مب مشرفنا :D )



و اذا كان جوابي صحيح ... السؤال هو :

في اي سنه فزنا عليهم في نهائي الكأس ؟
MALINKO
06-04-2003, 06:37
لا لا المشعوذه انتي غلطي لما قلتي

و سجل الاهداف ... حيدر .. مادري شو اسمه .. و يمكن عزوز ( مب مشرفنا )


لأني أنا كنت ألعب المباراةو على ما أعتقد سجلت هدف .
ا لـشـمـا لـى
06-04-2003, 06:40
اشتغل السحر .. :D

انتى صح .. واسم اللاعب ( وكان متخصص فى التسجيل على الشعب ) حيدر عمر .

جواب سؤالج .. 81-82 ؟؟ انا مب متأكد .
المشعوذه
06-04-2003, 09:56
بوناصر ..

مب سحر ولا شي .. لا تطلع علي اشاعات :D

انا سألت ناس .. و هم عطوني الجواب ;)

بس والله انا مادري في اي سنه خذوا البطوله :p

يعني ماعرف اذا جوابك صح او غلط :D
شرجاوي وبس
06-04-2003, 13:31
الله يغربل ابليسك يالمشعوذة اتحطين سؤال ما اتعرفين جوابه-228-
عجايب
06-04-2003, 15:21
هههههههه .. :D


اختي المشعوذه دام انج ما كنت تعرفين جواب السؤال .. اتمنى انج تحطين سؤال ثاني بداله ..
شرجاوي وبس
06-04-2003, 15:46
سؤالي واااايد سهل على ما اعتقد:

من هو رجل الثواني؟؟؟:D
عجايب
06-04-2003, 15:55
مع اني قلت المشعوذه مب شرجاوي وبس .. لووووول :)
بس يالله مب مشكله بجاوب ..

علي ثاني


كم كان عمر ام المؤمنين عائشه رضي الله عنها عندما تزوجها الرسول صلى الله عليه وسلم ؟؟؟
شرجاوي وبس
06-04-2003, 15:59
عجايب
يعني أسحب السؤال مثلا:o :( :o :(
الملك الشرجاوي
06-04-2003, 20:29
السلام عليكم ورحمة الله وبركاته،

مب متأكد من الاجابه بس اعتقد كان عمرها رضي الله عنها 12سنه.....

وسلامتكم....
ا لـثـا ئـر
06-04-2003, 23:54
السلام عليكم ورحمه الله وبركاته

تحياتي للجميع وشكر خاص للاخت عجايب على هاي المسابقه الرائعه

اعتقد ان عمرها رضي الله عنها عند الخطوبه ( 6 سنوات ) وعند الزواج ( 9 او عشر)

اذا الجواب صح بيكون دوري في السؤال واذا خطا بعدني بسأل عشان اورطكم عدل في الاجابه

من هو العضو الذي كتب توقيعه وهو يوعان ويفكر بالاكل :D :D ;)
الملكة الشرجاوية
07-04-2003, 00:12
الأخ شرجاوي وبس .. والسموحة منك ..

سؤالي له عدة فروع ..................

متى بدأت حرب الفيتنام و الولايا ت المتحدة الأمريكية ومتى انتهت .. ومن كان المنتصر ومن كان الخسران ؟؟
شرجاوي وبس
07-04-2003, 07:57
اعصار شرجاوي + الملكة الشرجاوية
الله يسامحكم ، ليش اتعلقون عليه-95-

ما عليه ما عاليه أنا توقيعي بيجهز خلال اسبوع تقريبا باذن الله.:D
المشعوذه
07-04-2003, 09:37
الحرب بدأت سنه 1955 و انتهت سنه 1975 بهزيمه الامريكان
( ان شاءالله دوووم )

مادري اذا اجابتي صح .. بس انا بسأل هذي المره :p


* في كأس العالم 1982 في اسبانيا
اقيمت مباراه اعتبرت واحده من اجمل المباريات على الاطلاق
استمرت لمدة 150 دقيقه تقريبا .. و طبقت فيها ركلات الجزاء لاول مره

المباراه كانت بين ....... و .......... ؟؟

جاوبوا

:)
ا لـشـمـا لـى
07-04-2003, 11:12
الله يهديج يالمشعوذة .. حرب فيتنام استمرت عشريييييييين سنة -16-

اذا الحرب العالمية الثانية خذت سبع سنين .. -97-

هو جوابج غلط أعتقد ..

لكن جواب سؤالج .. اظن كانت مباراة المانيا و فرنسا .. وفازوا الالمان بضربات الترجيح ...

ما بسأل لحد ما نتاكد من جوابى و جوابج ;)

تحياتى للجميع
الملكة الشرجاوية
07-04-2003, 13:51
السلام عليكم ..

الشمالي .. جواب المشعوذه صحيح 100%
حرب الفيتنام بدأت في الخمسينيات وانتهت 30 ابريل 1975 .. هذا يعني أنها استمرت أكثر من 25 سنة ..
وهذه الحرب هي أول حرب تخسرها أمريكا(إن شاء الله دووم) ..
لأنه إصرار الفييتناميين الشيوعيين كان كبير .. والدليل أنه أكثر من 1مليون فيتنامي توفوا في هذه الحرب .. وعدد قليل من الأمريكيين ويقدر بـ60000 أمريكي ..

الشمالي حاول مرة أخرى -220-

تحياتي الملكة الشرجاوية ...
شرجاوي وبس
08-04-2003, 00:11
المشعوذة

( ان شاءالله دوووم )

-228- -228- -228-
بومحمد
08-04-2003, 01:01
اولا .... نشكر صاحبة الفكرة ...


ثانيا .... ماشئ سؤال ...:(

الحين دوري انا ....


س: من هي اول رئيسة للوزراء في دولة الكيان الصهيوني ..اسرائيل


الجواب يبدأ بحرف ج وينتهي بـــ ر

نبغي اسمها هذه العجوزة الشمطااااء ..؟؟؟


بانتظاااااااار الاجابة ..؟؟
شرجاوي وبس
08-04-2003, 01:06
-220-
عجايب
08-04-2003, 01:21
اخوي بومحمد ..

اسمها .. (( جولدا مايير ))

اتمنى انه يكون صح .. اظن صح ..

سؤالي يقول ..

شو اسم هاي الشخصيه الكرتونيه ؟؟ هههههه
بومحمد
08-04-2003, 02:21
الجواب صحيح....100% ...

الجواب على سؤالج ....عند عزوز ..:p



(( كنتـــــارو )) مال جنكر الشمالي :p


اتوقع ...؟!


السؤال يقول ... اول تلفزيون عربي ملون ..؟؟!!!

ما راح اعطيكم ولا حرف ..؟:::02::: :p


بانتظااااااااااار الاجابة ؟
المشعوذه
08-04-2003, 02:31
بونوره .. شو بلاك تخبلت !! :D


بو ناصر .. للعلم فقط .. جوابك صح 100%
فازت المانيا على فرنسا بركلات الجزاء الترجيحيه 8/7


بومحمد .. ماشاءالله .. اتابع جونكر .. اعترف منو غششك الاجابه :p


سؤالك صعب .. ما بجاوب
:D
شرجاوي وبس
08-04-2003, 13:45
المشعوذه
يابوج معلوم بتخبل من بعض الردود-24-
عجايب
08-04-2003, 15:40
اخوي بومحمد ..

ماشاء الله عليك .. صح جوابك .. فعلا هذا كنتارو :D

بس سؤالك صعب !!
ان شاء الله حد يجاوب عليه ..
MALINKO
09-04-2003, 14:09
بصراحةما اعرف الاجابة
بومحمد
09-04-2003, 15:53
اترياااااااا الاجابة ..؟؟!



ادري انه سؤال صعب ....لكن ما باليد حيله ...الشمالي يبغي يتحدى ..واشوفه ساكت ;) ...!!

واتمنى لو المسابقة تكون اكبر ...وتكون هناك نقاط وترتيب ...يا اختى عجايب.


بعطيكم فرصة اخيرة اليوم ...؟


والا بخبر عليكم بووووش:p


بانتظاااار الرد ...؟!!
ا لـشـمـا لـى
09-04-2003, 22:24
بومحمد .. أتوقع تلفزيون لبنان .. ;)

المشعوذة .. اظن انج حضرتى بداية حرب فيتنام ..:p :D

سؤالى .. والفنان اللى بيجاوب .. وهو عبارة عن لغز ..

عندما كان عمر المشعوذة ضعف عمر الملكة فان عمر عجايب كان .. 22 سنة


وعندما كان عمر الملكة ضعف عمر عجايب فان عمر المشعوذة كان .. 25 سنة

علما أن مجموع أعمار العضوات الثلاث الآن يساوى .. 103 سنة ..

ما أعمار العضوات الثلاث ؟؟:p


للأذكياء فقط ...;)
بومحمد
10-04-2003, 01:17
الجواب غير صحيح .... يا الشمالي:::02::: ..:p


شكله السؤال صعب شوي ...

عالعموم ماراح اجاوب على سؤالك ......:p



وبخلي الجواب على سؤالك للاخوة والاخوات ....



اول تلفزويون عربي ملووووووووووووووون ...


هو التلفزيون العراقي ..!! والذي دمره القصف الامريكي قبل ايام ..!!



وكان ذلك في الخمسينيات .....
عجايب
10-04-2003, 01:45
اخوي بومحمد ..
اتمنى اي حد من الاعضاء يحط مسابقه ثانيه وفيها نقاط وترتيب .. لان طريقه هاي المسابقه ما تساعد ... يعني مسابقه شرجاوي وبس ممكن ... او ان شاء الله لو حصلت انا فكره مناسبه ممكن احطها .. ومشكور ..

اخوي الشمالي ..
الحمد لله اني مب ذكيه يعني السؤال مب موجهلي .. لوووووول .. الصراحه مافيني افكر .. وادخل في حسابات معقده .. ان شاء الله غيري يجاوب .. :)
ا لـشـمـا لـى
10-04-2003, 23:41
بجاوب عشان يستمر الموضوع ..

عمر المشعوذة = 50 سنة .. :p

عمر الملكة = 27 سنة .. :p

عمر عجايب = 26 سنة .. :p

والسالفة تراها مزح .. عن حد يزعل

وتحياتى للجميع :)
ا لـثـا ئـر
12-04-2003, 23:07
السلام عليكم ورحمه الله وبركاته

للاسف ما لحقت على السؤال ههههههه لا تصدقون اني بحل لغز الشمالي ولو عقب سنه

بما ان الشمالي نسى السؤال فأنا اللي بسأل عنه

01 وين اقدر احصل اشرطه ( ابطال الملاعب \ حميدو ) كل الاجزاء ههههههخخ ؟

02 من هو قائد معركه العلمين من طرف المحور ؟؟؟
ا لـشـمـا لـى
13-04-2003, 03:04
لجواب على سؤال شيبتنا ..

1- أى شى يخص الرسوم المتحركة مال زمان عندكم عجايب .. كل الأخبار عندها :D

2- هو ثعلب الصحراء .. رومل .

سؤالى ..

فى أى بطولة عالم أطلق على الهولنديين لقب ( أصحاب الكرة الشاملة ) .. ومن كان كابتن الفريق ومن كان أبرز لاعبيهم ... ؟؟؟

اللى يجاوب على فقرتين من الثلاث بنعتبره صح ;)

والسؤال للشباب فقط .. الاعصار ممنوع يشارك .. :D

تحياتى للجميع
شرجاوى من دار الحي
19-04-2003, 08:45
احم
عادي اجاوب على سؤال شيبتنا
مع اني ما انولدت في ذاك التاريخ
والجواب منتخب هولندا
و اعتقد سنة 1978 وظنتي ان القايد كان
يوهان كرويف
صح ولا انا غلطان:(
شرجاوى من دار الحي
19-04-2003, 08:46
اقوووووول بوراشد
انا عندي اشرطة كابتن ماجد
بس حميدوو ما لحقت عليه :p

اصلا منو هذا حميدوو
شرجاوي وبس
19-04-2003, 11:28
معقوله ما اتعرف حميدو شامل!!!
يمكن انزين اتعرف حميدو ضد الغير:p
بومحمد
19-04-2003, 11:43
ما شى سؤال :(

خلاص انا بسأل ...

شو اسم الحكم العربي التونسي اللي خدعه مارادونا يوم سجل هدف بيده بمرمى انجلترا (كاس العالم 86..)..؟!


الجواب يبدا بحرف ع وينتهي بحرف بـــ ر .؟!


بانتظااااااار الاجابة ........;)
شرجاوى من دار الحي
19-04-2003, 13:14
هلا بو محمد
الجواب الحكم علي بن ناصر
والي كان رئيس لجنة الحكام
في اتحاد الكره في فترة
من الفترات

وسؤالي هو من سيخلف سعيد بن زايد في
ادارة اتحاد الكره:p
اوكي سؤال ثاني من هو اول رئيس لنادي
الشارقه منذ تأسيسه ؟؟
شرجاوي وبس
19-04-2003, 14:23
أعتقد أحمد عبدالله
المغروره
19-04-2003, 15:04
I don't no:p
ا لـثـا ئـر
19-04-2003, 15:22
السلام عليكم ورحمه الله وبركاته

الصراحه يا شرجاوي من دار الحي ما نولدنا هذيج الايام والسؤال هذا محد بيعرفه الا الديناصورات ( بوناصر والا شرجاوي من دار الحي ) ويمكن شرجاوي وبس واما نحن الجيل الجديد ( عزوز وجنتلمان والاعصار الشرجاوي ) ما نعرف غير الشيخ طارق بن فيصل القاسمي

انا ابا اشوف حميدو لاني سمعت بو ناصر يتكلم عنه وعشان جذيه حبيت اشوفه ومنو هذا بعد الكابتن ماجد , اسئلونا عن ابطال الديجتال بجاوبكم

اخوكم الصغير الاعصار الشرجاوي
ا لــصــقــر
19-04-2003, 15:43
يا جماعه جاوبوا على هالسؤال الصعب و حطوا سؤال سهل لان عندي لغز

وابغي اشارك فيه..
شرجاوي وبس
19-04-2003, 18:58
اعصار شرجاوي
الله يسامحك اخويه ، حطيتني من ضمن الشواب!! أنا توني وحليلي بدش الـ14 سنة:o
عجايب
21-04-2003, 16:26
اسمحولي على التأخير ..


اخوي اعصار هذا حميدو شامل .. شوفه بيعيبك .. ما اعرف احط اغاني ولا كنت بحط لك اغنيه حميدو ..:p
ا لـثـا ئـر
21-04-2003, 22:23
السلام عليكم ورحمه الله وبركاته

مشكوره عجايب واخيرا شفت صوره حميدو اللي كنت اسمع عنه فقط

شرجاوي من دار الحي مخصوم راتبه كله هذا الشهر واللي عقبه واذا حد توسطله بخصم راتبه بعد

حط لنا سؤال صعب وشرد لكن خلاص بنعطي المجال حق الاخ روماريو عشان يحط لغزه وممنوع مشاركه شرجاوي من دار الحي الا بعذر مقبول

ولو اني اعرف الجواب لكن حبيت افسح المجال للاخوان للاجابه ولكن محد عرف الاجابه

تحياتي للجميع الاعصار الشرجاوي
ا لــصــقــر
22-04-2003, 17:42
السؤال صعب وانا بحط اللغز مالي:


صياد اذا صابت وياه صاد اثنين واذا خابت صاد اربعه

عندكم يومين وبعدها بجاوب
شرجاوى من دار الحي
22-04-2003, 18:27
معقوله محد فيكم عرف يجاوب على سؤالي
وحتى انا ما اعرف الجواب:( نتمى من الاخوه
الشواب سرعة الرد

راتب شهرين مره وحده انا روحي اطالبكم
بعلاوة خطر على الي اييني:D ترد وتخصم
صدق انك سفاح ومجرم وارهابي وشيبه
وما لي عذر دام العتب من الحبيب;)

روماريو بعدني ما دخت حجر سلوم
عشان افكر خلها عقب ما ارجع من القهوا
وعلى طاري القهوا شفت فيصل درويش
وعثمان العساس هناك وحسيت يوم سولفت وياهم
احتمال كبير يغادر النادي عقب الكاس وكانوا يشيشون
بعد:D

وبس
عجايب
23-04-2003, 01:41
اخوي روماريو .. انا بجاوب ..


صياد اذا صابت وياه صاد اثنين واذا خابت صاد اربعه

المصلي يوم الجمعه .. اذا ( صابت) لحق على صلاه الجمعه صلى ركعتين يعني صاد اثنين .. واذا ( خابت) فاتته صلاه الجمعه صلى اربعه ركعات لصلاه الظهر يعني صاد اربعه .. صح ولا لا ؟؟؟



سؤالي يقول ..

ما هو الاسطرلاب ؟
ا لـشـمـا لـى
23-04-2003, 07:11
الاسطرلاب اعتقد اسم البوصلة ...

اذا صح .. سؤالى هو ...

الاخوين رايت الى اخترعوا الطائرة .. شو الاسم الأول لكل واحد فيهم ؟

تحياتى للجميع
بومحمد
23-04-2003, 07:55
مرحبا الشمالي ....


اورفيل رايت ... ويلبور رايت ....

هذا هو الجواب ;)




لكن متى اخترعوا الطيّارة ؟؟؟؟؟؟؟؟



نترياااااااااااااااااا الاجابة ...
شرجاوي وبس
23-04-2003, 09:09
اسئلة الديناصورات هاي ما انروم انجاوب عليها احنا الصغارية:o
اسألوا اسئلة مال أيامنا هاي..
ا لــصــقــر
23-04-2003, 11:03
عجايب

جوابج صحيح 100 %
ا لــصــقــر
23-04-2003, 11:05
شرجاوي وبس

عمرك مليون سنه وما لحقت على الديناصورات... غريبه...!!!

شو قال 14 سنه؟؟؟;)
شرجاوي وبس
23-04-2003, 12:18
اندوك انته.. انا اصلا اقل عن 14 بس كانوا امزورين شهادة الميلاد عسب يدخلوني المدرسة:p
بومحمد
23-04-2003, 12:40
ديناصورات :::01::: :::02:::

الاختراع كان سنة 1903 ... في ولاية اوهايو الامريكية



اي بعد ولادة الاعصار الشرجاوي بسنتين :p .... هاردلك يا بوراشد ...;)



السؤال يقول ...

الدول اللي اشتركت في العدوان على مصر 1956 .... هي 3 دول ...
اسرائيل ودولتين ...

1- ؟؟؟؟
2-؟؟؟؟؟



بانتظاااار الاجابة .

سؤال سهل للصغارية :p
عجايب
23-04-2003, 15:42
ا لـشـمـا لـى
(( الاسطرلاب اعتقد اسم البوصلة ))
صح جوابك .. بس يكون تحديد الاتجاه على حسب الكواكب :)

بومحمد
يسمحون لي الصغاريه بجاوب عنهم ..
اسرائيل
فرنسا
بريطانيا



سؤالي يقول ..

سوره في القرآن لا يوجد فيها حرف الميم ؟؟
شرجاوي وبس
23-04-2003, 16:11
تعالوا بخبركم انتو.. من وين تيبون هاي الأسئلة؟؟!!!!!
خفوا علينا شويه خلونا انعرف انجاوب وانحط اسئلة:::04:::
بومحمد
24-04-2003, 12:21
الجواب .. يا عجايب ...

سورة الكوثر ..(( انا اعطيناك الكوثر 0 فصل لربك وانحر 0 ان شانئك هو الابتر 0 ))

سؤال ممتاز الصراحة .... لا وجود لحرف الميم كما تلاحظون ...



السؤال يقول ..؟؟ (للصغارية ومن يرغب من القبائل ...):p



اسم الحارس المتين اللي كان يحرس فريق حميدو شامل ؟؟؟؟؟؟

الجواب يبدأبحرف د ...................................س

;)


والله وردينا خمس وعشرين سنة ورا . .-25-


الله يسامحج يا عجايب .............!!


اترياااااااااااااااااااا الجواب ...
ا لـثـا ئـر
24-04-2003, 15:09
السلامعليكم ورحمه الله وبركاته

ولو اني ما لحقت على هاي الرسوم المتحركه ولكني اتوقع انه دبوس

وهديه من الاعصار حق شرجاوي وبس عشان يسأل ادريبه ما بيقدر يجاوب ولا سؤال هههخخخخخ

تحياتي للجميع وما عليه يا بومحمد مردوده لاحقا
عجايب
24-04-2003, 15:11
صح جوابك اخوي بومحمد .. :)

(( وردينا خمس وعشرين سنة ورا )) لازم تشكرني اني رديتكم يهال .. :D

بس اقول ترى انا ما اعرف الحارس المتين .. :( .. ممكن تغششني :p
شرجاوي وبس
24-04-2003, 20:22
اعصار شرجاوي
أنا اعرف بس دومي جذه أعطي غيري فرصه :p
MALINKO
25-04-2003, 00:12
داعوس ....... يمكن صح .....تخمين على الطاير .....
بومحمد
25-04-2003, 00:44
جواب الاخ الديناصور الشرجاوي :p قصدي اعصار شرجاوي :p ..صحيح ..

دبووووووووس اشهر حارس مرمى .... في الرسوم المتحركة ..




الدور عليكم .... ما راح اسال بعد ...


بانتظااااار السؤال ..؟؟؟
عجايب
25-04-2003, 15:30
اعصار شرجاوي ..

خيبه .. جوابك صح .. هذا وانت ماتعرف حميدو !!!!!!!!!!!!!!!


يالله دور منو يسأل ؟؟
اعصار ولا شرجاوي وبس ؟؟
ا لــصــقــر
25-04-2003, 15:35
ممكن اسال لو سمحتوا ...

سؤالي هو : من هو اول رائد فضاء عربي ؟؟
شرجاوي وبس
25-04-2003, 17:40
أمير سعودي بس ما اتذكره
عجايب
26-04-2003, 02:26
الامير سلطان بن سلمان بن عبد العزيز اول رائد فضاء عربي مسلم


سؤالي :

كم يبلغ طول سور الصين ؟؟؟
شرجاوي وبس
26-04-2003, 11:35
عطيني يومين اسير اقيسه..





















اوه صدق.. عندهم مرض وما اقدر اسير.. السموحه عاد ما اروم اجاوب بس تأكدي أول ما يروح المرض عنهم انا علىاول طيارة ماخذ مسطرتي وساير اقيس:p
عجايب
26-04-2003, 15:29
انا ما وراي شي .. بترياك لين ما تسير وتقيس .. :D


عاد اتصدق اخوي شرجاوي وبس اول ما شفت اسمك وانك انت راد على الموضوع كنت متأكده انك مب مجاوب على السؤال .. وانك بس يالس تعلق .. لوووووووووول .. :)


يالله منو يعرف الجواب ؟؟
شرجاوي وبس
26-04-2003, 15:47
ليش عاد ماخذه عني فكرة غلط :(
عجايب
26-04-2003, 15:54
لا اخوي شرجاوي وبس مب قصدي ..

بس جي حسيت .. لانك ماشاء الله عليك .. دوم تعطي الفرصه حق غيرك عشان يجاوب .. لوووووووول .. اتمنى انك ما تزعل من كلامي ..
شرجاوي وبس
26-04-2003, 15:59
لا اختي ما زعلت بس روحي انا بعد اسوي سوالف..
والمثل يقول: (سو سوالف جان تبا اتوالف):D
ا لـثـا ئـر
26-04-2003, 23:15
السلام عليكم ورحمه الله وبركاته

الاخت عجايب شو هاي الورطه اللي حطيتينا فيها , انا سور البيت ماعرف طوله تبيني اعرف سور الصين كيف

غيري السؤال ولو تعطين الفرصه حق شرجاوي وبس عشان يسأل زين تراه المسكين من ابتدت المسابقه و مب قادر يسأل بس على شرط ( لا تسأل عن القطاو ) هههههخخخخ
عجايب
27-04-2003, 01:36
بغير السؤال دام انه صعب .. بس ما بخلي شرجاوي وبس يسأل .. لازم يجاوب .. ما عدنا واسطه نحن :D ..


سؤالي يقول ..

في مسرحيه (( صح لسانك )) لطارق العلي .. طارق له دورين ؟؟ دور حرمه ودور ريال .. شو اسمه في الدورين ؟؟؟

سهله صح :p
شرجاوي وبس
27-04-2003, 14:12
اعصار شرجاوي
اشكرك على الوساطة يا اخويه لكن الظاهر الأخت عجايب ما عندها احساس وظالمه وحاقده ومجرمة..:p أسوي سوالف أختي:D
عجايب
أي سهله الله يخليج!! انا ودرت اشوف التلفزيون بالمرة من زماااان ، ما اتفيج حق أي شي ودومي منشغل. الوقت الوحيد اللي أحصل فيه فرصة أدخل على المنتدى على طوووول.
على فكرة انا شايفنها المسرحية لكن ما اتذكر:(
الساهر
27-04-2003, 15:06
العهدة على الراوي ... واللي غششني الاجابة::::
دوره:: شليوييح في الريال والخطابة أم ناصر.


إذا الجواب صح:::
من هو الشاعر صاحب قصيدة (( بغداد لا تتألمي ))؟؟
عجايب
27-04-2003, 15:52
شرجاوي وبس ..
مافي سؤال حطيناه وقلت سهل !!!!!!


الساهر
صح اخوي .. الجواب شليويح وام ناصر .. وسلم لي على الي غششك .. :)
شفت شرجاوي وبس .. الجواب سهل .. :p


جواب سؤالك ..
دورت ما حصلت شي .. :( .. بس بحاول ادور مره ثانيه ..
الساهر
28-04-2003, 11:35
خلاص بحاول اعطيكم وسائل مساعدة:::
هو شاعر مصري، وهذه القصيدة يتم عرضها على قناة أم بي سي ويغنيها مجموعة من المطربين العرب؟؟

منـــــــــــو عرف كاتب القصيدة ؟؟؟
عجايب
28-04-2003, 16:25
مب سامعتنها .. بس ممكن تقولي اذا الكلمات بالعاميه ولا بالفصحى !!!
الساهر
28-04-2003, 19:52
الكلمات بالفصحى .. وهو كاتب مصري واللي ملحن الأغنية كاظم الساهر؟؟
عجايب
29-04-2003, 01:41
ما عرفته اخوي الساهر .. :(
صعب
شرجاوي وبس
29-04-2003, 01:46
اطالعو والله-228- ما عرفت اتجاوب -228- وذالتني ذل كل ما يسألون وما اجاوب تضحك عليه :p
ياله يالفالحه جاوبي:p

وين لبيبه وينها :D
عجايب
29-04-2003, 01:55
تضحك علي ..
على الاقل انا احاول .. مب مثل بعض الناس .. قبل لا يقرون السؤال .. يقولون صعب ..

وين لبيبه ..


لحظه شوي ..
















































هذي لبيبه .. :D
شرجاوي وبس
29-04-2003, 08:07
لا لا لا لا ما انروم عليج صراحة ، حتى لبيبه حصلتيها وحطيتيها:D
عجايب
29-04-2003, 15:20
عيل شو تتحسب انا عجايب والاجر على الله ..
شرجاوي وبس
29-04-2003, 15:59
لا يكون بس صدقتي -58-
شرجاوي وبس
29-04-2003, 19:38
أقول عاد لا تتحديني..
شرجاوي وبس
29-04-2003, 19:40
واندوج هاي بعد..
شرجاوي وبس
29-04-2003, 19:41
بعد عندي لك شي أجدم
شرجاوي وبس
29-04-2003, 19:43
وعندي اجدم واجدم بعد فمثلا خذي هاااااااي :D
شرجاوي وبس
29-04-2003, 19:45
اقول.. انا عيزت خلاص ، بحط آآآخر شي وإذا حد يبغي شي مني يراسلني على البريد الخاص
عجايب
30-04-2003, 01:33
شرجاوي وبس ..

والله طلعت مب هين .. ما شاء الله طلعت اخس عني .. :D
شرجاوي وبس
30-04-2003, 18:04
يعني على الخفيف -37-
الساهر
02-05-2003, 15:25
السؤال كان عن كاتب قصيدة (( بغداد لا تتألمي ))
وشو دخل لبيبة وبيل وربيعه .. بس دام بونورة دش بالموضوع كل شيء بيصير..

الجواب هو (( فاروق جويدة ))

تحياتي
عجايب
02-05-2003, 16:00
هههههههههه ..

مسكين شرجاوي وبس كل شي على راسه .. :p


اخوي الساهر زين انك جاوبت .. لان محد كان يعرف ..
المهم .. الي عنده سؤال يديد يحطه ..
شرجاوي وبس
02-05-2003, 17:22
من هو النبي الذي بعث إلى عاد؟




الحمدلله.. أخير أنا حطيت سؤال -57-
ا لــصــقــر
02-05-2003, 17:39
صالح ... عليه السلام ...


سؤالي اذا الاجابه صحيحه..؟


ما لون البيت الابيض قبل لونه المعروف حاليا..؟














وسلامتكم..;)
عجايب
03-05-2003, 02:14
مبروك اخوي شرجاوي وبس .. واخيرا اتحقق حلمك وحلم اعصار وحطيت سؤال .. لوووووووووول .. :p

روماريو ..
سامعه هاي المعلومه بس ناسيه الحين .. بحاول ادور وبعدين بجاوب ..
شرجاوي وبس
03-05-2003, 09:58
كان لونه اسود بس يوم احترق صبغوه ابيض (المعلومه الوحيده اللي متأكد منها)