المساعد الشخصي الرقمي

مشاهدة الإصدار الكامل : شو رايكم مب أحسن

درب الزلق
27-03-2003, 15:59
جماعة شورايكم لوالنادي يتعاقد مع مدافع على مستوى عالي لان مشكلتنا في الدفاع مع أحترامي للمدافعين الموجوديين في منهم الزين وفي منهم الشين ولاتنسون مهاجمون الفرق الاخرى مب شويه وكلهم سوبر 0 على العموم أنا في رأيه ان نيب مدافع ونخلي العساس ونحول اندرسون الي دوري الرديف ويوم بنحتاجله بنلاعبه ولا تنسون عدنا مهاجميين سعيد الكاس وسالم سيف واحمد ضياء 0 ياجماعه تخيلوا فايز جمعه والعنبري والعساس ونواف مبارك وعبدالله سهيل في الوسط 0 ونخلي الخبرة محمد راشد حق الاوقات الصعبة 0 ماخبرتونيه شورايكم مب أحسن;)
MALINKO
27-03-2003, 18:35
درب الزلق


لا أخوي أنا أقول مب أحسن ...

لأن أندرسون لاعب كبير و ما يستاهل يلعب مع الرديف ...

و أنا أقول أن الشارقة اذا يابو مهاجم حق الرديف يكون احسن ...

و أصلا نحن مهاجميننا كلهم شباب يعني كيف أنا أقولك كيف يا أخوي ...

يعني انهم في البداية و ما عندهم الخبرة الكافية لكي يلعبو لكن اندرسون غير ...
الملك الشرجاوي
27-03-2003, 20:01
السلام عليكم ورحمة الله وبركاته،

مشكور اخوي درب الزلق.........

بالنسبة للدفاع انا معاك لازم الادارة ادور علىلاعب مدافع من الدرجة الثانية...

لاني سمعت ان صالح بشير راح يرجع لنادي الجزيرة.....

اما اندرسون لازم يبقى مع الفريق الاول لانه قناص ، واحنا ماعندنا قناص مثله

مع احترامي حق المهاجمين الموجودين......ولاتنسى اخوي اهم شيء الفريق

الاول ............

وبالتوفيق حق الموجودين ويعطيهم الف عافية.........

وسلامتكم......
البرنس
27-03-2003, 21:05
السلام عليكم ...... "
انا مب ويا التعاقد مع مدافع لانه النادي اتعاقد مع راضي شنيشل ونزلوا درجه ثانيه واتعاقدوا ويا مدافع الماني ونفس الشي طلعوه ......وبعدين خير وسيله للدفاع الهجوم ومثل ماتشوف انه اكثر الفرق الي مدخله اقوال مادخل عليها اقوال وايد....ولو يتعاقدون ويالاعب مثل صالح بشير ماعتقد في داعي للاعب محترف ...

الرديف.....
دوري الرديف مسوينه عشان يطلع المواهب الي في الاحتياط اتخيل اذا يبت لاعب اجنبي ولعبته في الرديف؟؟؟؟بتجتل المواهب واندرسون لازم في الفريق الاول يلعب ولا مايلعب مول ..

تحياااااااااااتي
البرنس
MALINKO
27-03-2003, 23:55
البرنس


أنا معااااااااااااااااك
عجايب
28-03-2003, 00:00
صح ان دفاعنا مب لين وين .. بس انا افضل يدورون مدافعين مواطنين من الدرجه الثانيه .. اما الاجانب اكيد العساس .. ومهاجم سواء كان اندرسون ولا واحد ثاني ..
شرجاوي المرعــــــب
28-03-2003, 05:11
طبعا انا بخالفكم بقووولكم انه دفاعنه في حاله جيده وتذكرووون دفاعنه في الدووور الاول كيف وكيف تحسن مستواهم في الدووور الثاني وبالنسبه انه انييب مدافع من الدرجه الثانيه او من اي فريق ثاني ماعتقد هذا شي اوكي يعني اذا نحنه يلسنه انييب لعيبه من برع شو استفاد النادي من اللعيبه الموجووودين في النادي .. واما عن اندرسون انا اقووول انخلي لانه احسن اجنبي يلبته الاداره وصدقوووني اذا شلينا بنندم ....
الصوت الجريح
28-03-2003, 10:24
أنا أضم صوتي لصوت أخوي عزوز..












تحيااااتي

بوميثاء
شرجاوي وبس
28-03-2003, 16:24
أنا أرى ان نبقي على اللاعبان "العساس" و "آندرسون" لأنهم ادوا ما عليهم بالتمام والكمال.
أما عن موضوع خط الدفاع ، فلا أرى داعي للتعاقد مع لاعب أجنبي لسببين:-
أولا: أداء خط الدفاع تحسن بشكل ملحوظ في الدور الثاني.
ثانيا: مشكلتنا الأساسية في خط الهجوم العقيم بهبوط مستوى سعيد الكأس وقلة خبرة سالم سيف وأحمد ضياء.

أما عن البحث عن مدافع من الدرجة الثانية فهذ أمر جيد.
الزعيم الشرجاوي
29-03-2003, 19:05
لا أفضل أبدا البحث عن مدافع أجنبي

كل الفرق تعتمد على الأجانب في تسجيل الأهداف

ليش نحن نجيب مدافعين

بعدين مدافعينا جيدين