المساعد الشخصي الرقمي

مشاهدة الإصدار الكامل : لو كنت ؟؟

عجايب
23-03-2003, 15:45
لو كنت مدرب للملك الشرجاوي ( وهذا طبعا من سابع المستحيلات :D )

منو اللاعب الي بتحرص انه يلعب كل المباريات ؟؟

منو اللاعب الي ما بتلعبه (( بدون تفكير )) حتى لو كان عندك نقص في الفريق ؟؟
ا لــصــقــر
23-03-2003, 16:54
السوبر مان حساني اكيييييييييد....
MALINKO
23-03-2003, 18:43
العساس و السوبرمان أكيييييييييييد .......
الزعيم الشرجاوي
23-03-2003, 21:00
أكثر لاعب بحرص على أنه يلعب كل المباريات هو أكيد عبدالله سهيل

واللاعب اللي ما بلعبه ولا مباراه هو أكيد فيصل درويش

وشكرا
MALINKO
23-03-2003, 21:29
لا شباب مافي داعي أصلا تقولون انكم ما بتلعبونه أصلا كل واحد يشد حيله يلعب
شرجاوي وبس
24-03-2003, 00:52
أولا:
اللاعب اللي بحرص على وجودة في التشكيلة الأساسية هو بكل تأكيد العساس حبيب الناس، فهو دائما يلعب بنفس المستوى.

ثانيا:
اللاعب الذي لن اضعه في التشكيله هو كل لاعب يستهين بالتمرين ويأتي متأخرا أو يغيب بدون عذر مقبول ويحصل على انذارات وطرد دون سبب مقنع.
شرجاوي المرعــــــب
24-03-2003, 04:09
اللاعب اللــــــي يشــــــــد حيله ويكوووون حريص على تمريناته هو اللي راح يـــــــــكووووون اساسي في الملعب واللي مايشد حيله طبعا بيكووون يالس في الاحتياط وهب شرط اللي يالس في الاحتياط هب شاد حيله يمكن يكوووون تكتـــــــــــــــيك من المدرب وبصراحه لعيبتنه انشاءالله كلهم يشدووووون حيلــــــهم ويكوووونون اساســـــــيه....
الملك الشرجاوي
24-03-2003, 12:13
السلام عليكم ورحمة الله وبركاته،

مشكوره للاخت عجايب....

أكيد الدااااااااااااااهيه عثمان العساس بلعبه اساسي ؛لانه شعله من النشاط

ما شا الله عليه .....ما شا الله عليه.....عين عليه بارده........

واللاعب اللي ما بلعبه هو اللي يستهتر ومايحضر التمارين مثل ما قالوا الاخوان..

وكلهم يعطيهم الف عافيه ما يقصرون والله يوفقهم........

وسلامتكم....
الصوت الجريح
24-03-2003, 19:36
أكيد اللي راح يبذل جهد كبير في التمرين..







تحيااااتي

بوميثاء
عجايب
25-03-2003, 15:12
انا كان سؤالي محدد .. وانتوا ما شاء الله اكثركم قال الي بيستهتر .. الي ما ادري شو ..

مب لانك ما بتلعبه يعني ما يعرف يلعب .. يمكن انت مب مقتنع فيه .. يمكن تشوف غيره احسن منه .. يمكن ما تدانيه بس هو لعيبه :D ..

المدرب الصريح الي ينفع يدرب الشارجه .. (( الزعيم الشرجاوي ))


ههههههه اتغشمر وياكم .. :)
مشكورين على التواصل ..
MALINKO
25-03-2003, 16:41
اذا ما تقولين اللي ماندانيه انا ما اداني ............


خلني ساكت اخاف يدخل هذا المنتدى و يعرف اني ما أدانيه فيعتزل اللعب


ترى أنا كبير و الكبير دومه كبير ههههههههههه
شرجاوي وبس
25-03-2003, 16:58
عجايب

احنا اكيد عدنا كذا شخص ما انحب لعبهم لكن في النهاية مصلحة الفريق أهم من كل شئ ولذلك لن نذكر اسامي معينه ولكننا نتكلم "بالعموم". من الواجب علينا تشجيع اللاعبين وليس ذمهم.

والشكر للجميع..
البرنس
25-03-2003, 23:58
مافيخا زعل السؤال محدد وواضح منو الي اتصفقله يوم يلعب ومنو ماتصفقله...

اكيد الي بلعبه اذا كنت مدرب العساس

والي مابلعبه فيصل درويش..

انا ما انقص من قيمته بس مب كل واحد لعيب؟؟لازم في الزين وفي البارد
المشعوذه
26-03-2003, 07:56
احنا اكيد عدنا كذا شخص ما انحب لعبهم لكن في النهاية مصلحة الفريق أهم من كل شئ ولذلك لن نذكر اسامي معينه ولكننا نتكلم "بالعموم". من الواجب علينا تشجيع اللاعبين


بونوره ... من متى انت تقول جي !!

نسيت الرسام ( التمثال ) .. حطيت عليه لين ما قلت بس :D
شرجاوي وبس
26-03-2003, 13:52
المشعوذه

ههههههههههه
الله يغربل ابليسك..

عاد اونه احينه اسوي كنترول:D
-----------------------------------------------------------------------------------------------------------------------

بس الحق حق ، نحن ما نبغي الناس ترمس عنا:o
عجايب
26-03-2003, 14:54
شرجاوي وبس ..
زين سوت فيك المشعوذه .. ههههههه ..
نسيت شو سويت .. الحين اونه بتسوي كنترول :D
الملكة الشرجاوية
26-03-2003, 16:42
يا شرجاوية ..
لا نفظل لاعب على لاعب..
بالعكس: المفروض إنه نحن نشجع اللاعب ظعيف المستوى ونحفزه .. وندعم اللاعب عالي المستوى وندعي له .. لأنه كل هذا لمصلحة النادي والفريق والجمهورالشرجاوي ..
شرجاوي وبس
26-03-2003, 18:45
عجايب
أفاااااااااا.. ليش عاد كارهيني:(
صح انا من زمان كنت احط على بعض اللعيبة بس من كثر ما قاموا مشجعي بقية الأندية يضحكون علينا تركت هذا الأمر والحينه بدلا من اني احط عليهم دون فائدة أشجعهم ويمكن نطلع بشئ ويعتدل لعبهم باذن الله..

-------------------------------------------------------------------------------------------------------------------------

الملكة الشرجاوية
شكرا لتأييدك لي;)
وحرّّررررررره يا "المشعوذه و عجايب" -533-

ههههههههههههههههههههههه
عاد تراني اسوي سوالف لا يكون حد يزعل مني..
المشعوذه اتعرفني من زماااان من منتدى آخر بس اخاف انتي تفهميني غلط:p
عجايب
27-03-2003, 00:13
شرجاوي وبس ..

وليش اكرهك اخوي .. افا عليك .. انا اتغشمر وياك ..
وادري انك بعد ما تقصد شي :) ..
شرجاوي وبس
27-03-2003, 01:44
هذا العشم فيكم يالشرجاويين والشرجاويات ;)