-:: ليت ويا ليت ::- [الأرشيف] - منتدى نادي الشارقة

شرجاوي وبس

14-03-2006, 16:58

محاوله جديد مني لمجارة بعض الأعضاء مِن مَن هم أفضل مني بكل تأكيد. ولكني بعد أن وجدت تشجيعا من البعض على ممارسة هوايتي التي اندثرت من عشرة سنوات ، أردت أن أشارككم جديدي.

ليت لي قلب مخلوق من حجر = ليت لي عقل خالي من الفكر
ليت ما يوم سهرني القمر = لا أبد لي علم ، ولا لي أي خبر
ليت وياليت ما طال بي العمر = أعيش واشوف محبوبي غدر
ليت وياليت كان له أي عذر = انجبرت وصرت منصاع للأمر
لا لي حيله ولا لي ظهر = يسند المسكين لي في هجره انجبر

بن رطوع

14-03-2006, 19:03

ما شاء الله عليك طلعت محترف شد حيلك الكلام واااااااااااااااااايد حلو وعسل منك يا عسل

تحياتي بن رطوع

شرجاوي وبس

15-03-2006, 01:46

مرورك بقصيدتي المتواضعه هو العسل... شكرا

مريم

15-03-2006, 01:57

ياسلام عليك صح السانك يالشاعر *_^
كلمات حلوه

حـــــــــــــزن

15-03-2006, 02:13

وناااسه ...

بونوره ابغي اعرف احساسك وانت تكتب القصايد الحين ما تحس انك رجعت لايامك قبل يوم كنت تكتب ..

ما كنت تحس انك مفتقد هالشي ..

مشكووووووووووره بو نوره على الكلمات الحزينه ..

واترياا غيرها ..

شرجاوي وبس

15-03-2006, 09:21

مريم
مرورج أسعدني جدا.

حـزن
أولا شكرا على التشجيع. وثانيا هو شي حلو بس قبل الواحد له بارض أكثر ، أما أحينه فأحس بأن مخي ثجيل وما أروم أفكر في نوع الموضوع وبالتالي سرد قصه معينه في مخيلتي وعقبها أكتب الأبيات وأفكر في الوزن. بس الحماس خذني وقدرت.

بس تدرين.. بعد أحس أن قصائدي قبل كانت أفضل شويه.

ولد الكويت

15-03-2006, 12:20

ابداااااااااع منك يا اخوي شرجاوي
ننتظر جديدج

حـــــــــــــزن

15-03-2006, 14:35

حـزن[/color]
أولا شكرا على التشجيع. وثانيا هو شي حلو بس قبل الواحد له بارض أكثر ، أما أحينه فأحس بأن مخي ثجيل وما أروم أفكر في نوع الموضوع وبالتالي سرد قصه معينه في مخيلتي وعقبها أكتب الأبيات وأفكر في الوزن. بس الحماس خذني وقدرت.

بس تدرين.. بعد أحس أن قصائدي قبل كانت أفضل شويه.

العفوووو بو نوره ...

انا وايد احب اقرا الشعر مع اني مب واايد افهم بالقوافي ..

وانت تحس جي لانك من فتره ودرت الكتابه و لكن بعد فتره بتلاقي عمرك عادي ..

ان شاء الله تستمر و انشوف يديدك ..ويكون افضل و افضل ..

شرجاوي وبس

15-03-2006, 16:48

Thanks to all of you

شـــــذى

15-03-2006, 17:54

ليت وياليت ما طال بـي العمـر
أعيش واشوف محبوبـي غـدر

بونوره !!!!!!

انت مب كأنك معرس وعندك عيال !!!!!

افاااااااااااااااا شو خليت حق الشباب خخخخخخخخخخخخخخخخخخخخخخ

مشكور اخوي ع الابيات الحلوووه وماشاء الله عليك طفتنا باول يديدك هههههه

شرجاوي وبس

16-03-2006, 01:06

هههه يمكن انزين قصدي بمحبوبي اللي هي بنتي بأنها حبت حرمتي أكثر مني :::093:::

المحامية الشرجاوية

16-03-2006, 01:14

طلع شيبتنا مب هين ... :) ...

بدون مجاملة وايد عيبتني القصيدة ...

شرجاوي وبس

16-03-2006, 01:17

بدون مجاملة وايد عيبتني القصيدة ...

وبدون مجامله,, اسعدني ردج وشكرا

رفيــ الشان ــع

16-03-2006, 14:51

ايواااااااااااااه

هاجذه نباك يابونوره

جدد الدماء في روحك وقلبك وعقلك

خل الجلام يطلع بروحه من غير تكليف

بس دايماً خل القلم حذالك... لانه ما تدري متى تنزل بنات الافكار

واذا نزلوا ... يعني لو سمحت وتكرمت وتعطفت ... عرفني على وحده منهن ... هاهاهاها

بصراحه انا سعيد لاني اشوفك متواجد في هذا القسم ... ومشارك فاعل

تسلم ايدك يالحبيب ... وان شاء الله من هذا الى الافضل

سلام

شرجاوي وبس

16-03-2006, 16:58

شكرا اخويه رفيـ الشان ـع وتصدق أن أي شي إيي على بالي على طول اكتبه في التلفون. بس أغلب الأوقات يوم أدش على التلفون عقب أرد أمسحهن!!

شـــــذى

16-03-2006, 21:09

شكرا اخويه رفيـ الشان ـع وتصدق أن أي شي إيي على بالي على طول اكتبه في التلفون. بس أغلب الأوقات يوم أدش على التلفون عقب أرد أمسحهن!!

لا بونوره انتبه من هاي الناحيه

يمكن ع صدفه ام العيال تاخذ التليفون وتشوف :::0199::: وعقب اتسوي فيك شي انت ماتحبه :::0245:::

شرجاوي وبس

17-03-2006, 01:30

خهخهخه... لا اختي شـذى أولا أم العيال تثق فيني من أني ما بسوي شي ، وثانيا تثق فيني ولا تفتح لا تلفوني ولا تنبش في أي شي من أغراضي.

رفيــ الشان ــع

17-03-2006, 13:52

شكرا اخويه رفيـ الشان ـع وتصدق أن أي شي إيي على بالي على طول اكتبه في التلفون. بس أغلب الأوقات يوم أدش على التلفون عقب أرد أمسحهن!!

تدري يابونوره

اغلب الاحيان الكتابه الاولى مب مقنعه

بس مع المراجعه والتعديل والتصحيح ... تصير شي ثاني

مشكور على كل حال يالحبيب

شـــــذى

17-03-2006, 19:35

خهخهخه... لا اختي شـذى أولا أم العيال تثق فيني من أني ما بسوي شي ، وثانيا تثق فيني ولا تفتح لا تلفوني ولا تنبش في أي شي من أغراضي.

شكلك انت مهددنها :::0146::: ههههههههههههههههههههههههه ولاهي مسكينه والله خخخخخخخخخ

عبق الشارجه

17-03-2006, 22:59

اخوي بونوره
كلماتك الشعريه تدخل القلب وانا احب اتذوق الشعر بس مااكتب اومااحول اكتب
بس لي محاولات كثيره في كتابة الخواطروالمقالات الخقيقه احب احتفظ فيها لنفسي
وام مايد اتحاول تقنعني انزلها على المنتدى
اقول هل حقوق الطبع عندكم محفوظه ههههههه؟؟؟

شرجاوي وبس

18-03-2006, 15:54

رفـ الشان ـع
العفو اخويه وشكرا على اهتمامك.

شـذى
أنا اللي وحليلي إنسان مسالم خهخهخه.

عبق الشارجه
مع أني لين أحينه مب رايم انطق اسمج لكن ماعلينا خهخهخه
أولا شكرا على مرورج بالقصيده ، وثانيا شكرا على الكلام الجميل اللي وصفتي بها القصيده ، وثالثا منو قال أنج ما بتنزلين شي في المنتدى؟؟!! يوم أنا جبروني أنزل قصايد فلا تتحسبين بنسكت عنج ، ورابعا وأخيرا ياريت شي طريقه لحفظ حقوق الناس ، لكن للأسف أنا من بين الأسباب اللي خلتني أتردد في كتابة أي قصيدة ووضعها في المنتدى هو أني خايف (رغم أن قصايدي مب لين هناك) خايف أن أي حد ياخذهن ويحطهن في أي منتدى ثاني باسمه. لكن في الأخير قلت في خاطري على شو أخاف؟؟ لا يكون أنا شخص مشهور والناس تتريا جديدي أو أني أنا أسترزق من ورا قصايدي هاي!! قلت نفاد اللي يبغي يسرق يسرق.

عبق الشارجه

18-03-2006, 19:18

اخوي بونوره انا مصره انك تنطق اسمي عدل وبسهوله ويسر
عندي فكره شو رايك...
كل يوم تتدرب شويه تردد الاسم خمس مرات الصبح والعصر والعشاء
ههههههه استوى دواء مب اسم
اما بالنسبه للخواطروغيرها كون اني احاتي من ان حد يسربها وينسبها لنفسه مش عشان انا وحده معروفه
بس هذي احاسيس وطاعله من خاطري واعتبرها ملكي الخاص ... كأني بالغت شويه ..
صح وعلى رايك اني مب لين هناك ولا مره عرضتها على حد بروفشنل عشان يعطيني رايه
بس بأجل هذي السالفه لين مااحس اني قادره اتنازل عن حقوقها

ولد الكويت

18-03-2006, 21:44

ههههههههههههه
اخوي شرجاوي انت من متى و تكتب شعر ؟
و اذا لك قصايد تم نشرها قبل ارسلها لي

ولد الكويت

18-03-2006, 21:46

شباب نزلوا قصايدكم عادي لا تخافووون ، الي يسرق الله يشوفه ..

شرجاوي وبس

19-03-2006, 00:16

عبق الشارجه
هذا شي راجعلج يا اختي طبق الشارجه قصدي جدر الشارجه (افففف بعدني مب رايم أنطقه عدل!) ، بس ان شاء الله بيي اليوم اللي تشاركينا فيه بعض قصايدج أو خواطرج.

ولد الكويت
أنا أكتب من وأنا صغير يعني تقريبا من 20 سنه أو شويه أقل. بس كل اللي كتبته طول حياتي رميته في الزباله من ثلاث أو أربع سنوات تقريبا وفكيت عمري من الصدعه. بس رجعت أكتب أحينه لأن في عضو نزل قصيده من فتره وأنا رديت عليه في نفس القصيده بقصيده على نفس الوزن ، فحصلت تشجيع من البعض فقررت أعاود الكتابه.

أمير الموت

19-03-2006, 14:42

شي عجيييييييييييييييييييييييييييييييييييييب
تسلم الغالي

شرجاوي وبس

20-03-2006, 18:32

شكرا على مرورك

المــــ الشرجاوي ــــلك

21-03-2006, 20:34

مشكور شيبتنا على الأبيات الرائعة ..........

أنا أكتب بس محد يشجعني ..... :::0167:::

........

عاشقة اليوفي

21-03-2006, 20:49

بونوره الصراحه : لاتعليق .. ابدعت .. مابقولك يا الشاعر لانك مبتدأ هخهخهخه شد حيلك نبى انشوف اشعارك يا خوار المنتدى :::0181:::

شرجاوي وبس

22-03-2006, 00:30

المـ الشرجاوي ـلك
حطلنا شي من قصائدك وشوف كيف بنشجعك شرات جذه :::0104::: :::090::: :::081::: :::075:::
وانته عاد بتكون جذه :::0182:::

عاشقة اليوفي
أنا مب مبتدأ بالعكس أكتب من 20 سنه بس وقفت فتره طويييله وتوني تفيجت :::021:::

عاشقة اليوفي

24-03-2006, 21:01

عاشقة اليوفي
أنا مب مبتدأ بالعكس أكتب من 20 سنه بس وقفت فتره طويييله وتوني تفيجت :::021:::

شو قصدك يعني انقولك يالشاعر :::0276::: خلاص ولايهمك بقولك يالشاعر الحين

تدري انا اكتب خواطر بالعربي واكتب اشعار بالانجليزي .. حصلت ميداليه على الشعر اللي كتبته بالانجليزي وهالشي ساعدني اني اكمل بس اقول في خاطري شعر بالانجليزي منو بيقراه .. والحين بنات كلاسي طلبو مني اني اكتب شعر بالانجليزي بأسم الكلاس .. وكتبته واتمنى ان يعجبهم
معني ماكنت اعرف اني انا اعرف اكتب

بالصدفه عرفت اني موهوبه بالشعر الانجليزي هخهخهخهخه .. كمل يابونوره ونحن وراك

مجنونة الاعب سلامي

16-04-2006, 20:01

ماشاااااااااااء الله عليك بووووونوره .................صدق بدون مجامله القصيده حلووه والاكثر معانياها

شرجاوي وبس

17-04-2006, 00:03

صدق بدون مجامله القصيده حلووه والاكثر معانياها

شكرا اختي ومرورج الأحلى

الملكة

17-04-2006, 08:58

العشق ياخوي آهات وسهر
ومن عشق ياخوي يلازمه الصبر
لو عشقنا وصرنا نندم بالعمر
ما عشق مخلوق أحدٍ مالبشر
لك اصفق يابو نورة عالشعر
القصيدة حلوة بس خل القهر

اي شي خخخخ

يعطيك العافية :)