ماجيت اقدم لك اعتذار .. !

[شعباوي غيور]

لحظه !! ترى ماجيت اقدم لـك اعـذار
لحظه !! وبعده سـوى اللـي تسويـن

لحظـه !! بصحِّـح بيننـا بعـض الافـكـار
وبـاقـول لــك حـاجـه قـبـل ماتقولـيـن

لا تحسبيـنـي بانـثـر الـدمــع وانـهــار
والا اتـرجـى واطلـبـك مـــا تـروحـيـن

روحي عسى دربـك بساتيـن وازهـار
روحــي وغـيـري بالمخالـيـق تلقـيـن

صحيـح لـك بالقلـب حشمـه ومـقـدار
لكـن شسـوي لــك اذا مــا تحسـيـن

لـي قلـب لامنـه عشـق حيـل مـدرار
ومـن الـغـلا عـنـدي يكـفـي ملايـيـن

بس إن لقـى صـد وجفـى صـار جبَّـار
وأقــدر افـــارق واهـجــرك لاتخـافـيـن

يابنـت انـا لــي عـزتـي وبـاخـذ الـثـار
وابغى انصحك لارحت اصحـي تناديـن

مـانـي بـراجـع لاتقولـيـن وش صــار؟
لاتسأليـنـي لـيـه ؟ انـتــي تعـرفـيـن

غـيـرك تمـنـونـي وبـالـعـب وبـاخـتـار
واعشـق بدالـك الـف وحـده بيومـيـن

وانتـي رصيـدك بالغـلا عنـدي اصـفـار
مـاهــو بـذنـبـي ماعـرفـتـي تحـبـيـن

وكـل الـذي لجلـك كتبتـه مـن اشعـار
والله خـســاره فــيــك ماتستـحـقـيـن

حتـى صـورك اللـي مـن العـام تذكـار
بادوسـهـا وانـتـي قبـالـي تشـوفـيـن

يـامــا عطـيـتـك الــــف إنــذار..وانــذار
أقــدر افارق..قـلـت لـــك : لاتـحـديـن

واليـوم انـا ليـه اتعـب النفـس واحتـار
دامــك جرحتيـنـي وكنـتـي تسـلـيـن

إن كنـت حـي ومـن طويليـن الاعمـار
لجـرح بـدال الجـرح تسعـه وتسعـيـن

والحـيـن يالله خـلـي دمـوعـك امـطـار
وباحاول اضحك طول ما انتي تصيحين

((((((((((((( مــ ))))))))))))))))

[عاشقة اليوفي]

ماشاءالله عليك اخوي شعباوي غيور الصراحه الكلماااااااااات وايد حلوا..
بس بغيت اعرف اذا الكلمات انت كاتبنها ولا ناقلنها ..
اذا انت كاتبنها تسلم يمناااااااك يااخوي ..
ولوكنت ناقلنه ممكن اتقولي من الي كاتب :)

[ضحية حب]

صح لسانك اخويه شعباوي


قصيدة رائعه وكلماتها قويه


يعطيك العافية

[شرجاوي قلبا وقالبا]

تسلم على الكلما ت الحلوه ويلا راونا يديدك واشكرك مره ثانيه على القصيده....

[جنية الشارجة]

راااااااااااااااااااااااااااااااااااااااااائع راااااااااااااااااااااااااااااااااائع

[رفيــ الشان ــع]

شعباوي غيور

مشكور اخوي العزيز

قصيده جميله وقويه

اتمنى ان كل الرجال ايكونون على هذا الشكل

اللى اقصده انه يكون الواحد قوي وما يهتز من التجارب

والتجارب تروح وتي ... لين يحصل الاستقرار الداخلي والخارجي

واعتقد اخوي ان حرف الميم اللى حطيته تحت القصيده ... تقصد فيها منقول

واذا كان كذالك ايضا لك الشكر على النقل

سلام