حق نادي الشارقة الضائع .....

[Sharjawe]

ســــلام لكل الشرجاويه ........
عندي نقطه مهمه حااااب اتكلم فيهاااا .... هي مب نقطه وحده ... هم وااايد نقاط
بس بنتكلم فيهم بالتدريج ....

الموضوع الي حااااب اتكلم فيه هو عن الصحافه ... الصحافه شو كتبوا او شو سوو حق نادي الشارقة ..... في كل مبارة تلعبها اندية ابوظبي او دبي تلقى نص الصفحه عن نادي العين او الوحدة او اندية دبي .... و يشرحونها بالتفصيل الممل . اما نادي الشارقة فحدث ولا حرج .. ما في تغطيه جيده او ما يكتبون عنهم الا كمن سطر و بدون تفصيل ولا شي حتى الواحد مايعرف شو صار في المباراه ...ز ف ليش هذا كله .... و الشي الثاني المقابلات الصحفيه معا نجوم الانديه ... دايمن اتحصلهم امسويييييين مقابله معا نجوم اندية العين و الوحده و نجوم اندية دبي ..... وين نجوم نادي الشارقة منهذي المقابلات ... هل يا ترى مافي نجوم في نادي الشارقة ؟ لا في بس حقهم ضايع .... والله حراااااام الي تسويه الصحافه في نادي الشارقة ... و يوم تتكلم يقولون نحن مانفرق بين الاندية .... بس وين مايفرقون .... و هذا الي نحن فيه شو انسميه ... والله حرااااام ..

حاب اسمع رااايكم ..

و السموحه منكم

[الــخـيـّـال]

اخوي Sharjawe

اذا بتتكلم عن الصحافة !! بصراحة ما بتقدر عليها .. واعرف ان المجاملات موجودة في الصحافة وفي كل مكان ..

صحيح ان في بعض الاحيان اشوف الصحافة عاملين مع بعض نجوم النحل الأبيض مقابلات لكن مب نفس المقابلات اللي يسوونها مع الاندية اللي ذكرتها ..

ويمكن بعد لأن الاندية اللي ذكرتها تكون منافسة على بطولة الدوري ويعملون لقاءات مع لاعبي الاندية والله يعلم ..

واعتقد بأن انظار الصحافة كلها تتجه للفريق اللي ينافس على البطولة اكثر من الفرق اللي كأنها تكملة عدد في جدول الدوري ..

تحياتي لك :)

أخوك يوسف عبدالله محمد

[Sharjawe]

انا وياااااااااك اخوي يوسف ... بس مب ابهاذي الطريقة لازم يكووون في مساواه بين الأندية ..... صح انه الشارقة ماينافسون على الدوري بس لا تنسى انه صاحب اكبر تاريخ ... و اكثر واااحد عنده بطولات في الدولة

[MALINKO]

Sharjawe كلامك صح 100% و أنا وياك

[الــخـيـّـال]

الأخ Sharjawe

نعم الشارقة له تاريخ كروي كبير وأكثر الاندية عنده بطولات وانجازاته تشهد على ذلك ..

لكن مثل ما تقول الحين خلاص عندك الوحدة والعين لهم النصيب الأكبر لدى الصحافة .. وبداعياتهم والتسويق اللي عندهم اتجهت انظار الصحافة كلها صوبهم ..

بس اعتقد ان الشارقة راح يكسر الاحتكار الوحداوي والعيناوي للبطولات بفضل الأب الروحي لنادي الشارقة الشيخ عبدالله آل ثاني وأصحاب الشيوخ أعضاء مجلس الشرف الشرجاوي وراح نخلي انظار الصحافة كلها تتجه صوبنا ..


تحياتي :)

[عجايب]

صح نادي الشارجه بعيد عن البطولات .. بس حتى لو كان العكس .. ما اظن في حد بيسويلهم سالفه مثل بعض الناس .. الصحافه ( مب كلهم ) بيشوفون وين مصلحتهم وبيسيرون عند الي يستفيدون منه !!

[Sharjawe]

يوسف ماعرفتني صح ..... انا يووووووم شفت صورتك عرفتك

[MALINKO]

انشاءالله يا يوسف

[الصوت الجريح]

هذي خي صحافتنا ..
لاتتريون منها لا خير ولا باطل..
بس فالحين أنهم يطلعون عيوب الفرق ويفضحونهم..

[شرجاوي وبس]

أنا قلتها من زمان في احد المنتديات.

الصحافة دائما تجامل فرق المقدمة ولولا انها كذلك كنا شفنا تركيز كبير على اللاعب الخلوق الكبير عثمان العساس.

بس على فكرة ترا الصحافة كانت تجاملنا أيام عز الشارقة وهذا الأمر لا مفر منه ، يعتمد على موقع الفريق.

[روح الشارجه]

شوفوا يا جماعه إذا كان الشارجه متصدر أو ينافس شوفوا الإعلام كيف بيكون ...
بس المستوى إلي قدمه فريقنى هذا الموسم ماكان يلفت النظر ...فا كيف تبون الصحف تترك فريق الوحدة والعين؟؟؟؟ عدكم أمكانيات مثلهم؟؟؟ لا طبعا بس والله نتمنا يرجع فريقنا ويسكر أحتكار الدوري قولوا أمين

[درب الزلق]

الله يهديكم محد يأذن في خرابه
حكم القوي على الضعيف خلونا مثل مانحن أحسن:o

[عاشقة النحل]

أنا في رأيي من خلال متابعتي للصحافة المحلية عموما إن الصحف عندنا شبه منحازة للإمارة اللي تصدر الصحيفة ... وهذا ينطبق على الصحافة الرياضية ... فأنا أشوف إن صحيفة الخليج تهتم بأخبار نادي الشارجة أكثر من الصحف الثانية سواء من خلال الأخبار أو اللقاءات وهذا بعد واضح في المطبوعات الثانية مثل كل الأسرة مثلا ... ويقل هذا الاهتمام في الصحف الثانية اللي تهتم بدورها بأخبار أندية ثانية ...

[الزعيم الشرجاوي]

أختى عاشقة النحل كلامك سليم

لكن جريدة الخليج لا تعطي أندية الشارقة كما تعطي صحيفة البيان أندية دبي أو الإتحاد أندية أبوظبي

بالعكس صحيفة الخليج كم حطمت نادي الشعب في كتاباتها أيام تصدر الدوري وكان ينافس عليه

والله ياخوي شرجاوي نعم أنا أشوف أن حقهم ضائع وإن شاء الله بنسكتهم وفريقنا بيرجع لسابق عهده الزعيم الأبدي

وشكرا على الموضوع

[Oo_SHJ_oO]

ههههههههههههههههههه يعني شو بتتحرر فلسطين لو سوو لقاء ويا لعيبت الملك