المساعد الشخصي الرقمي

مشاهدة الإصدار الكامل : بيوت الحكومة للايجار

ا لـشـمـا لـى
30-06-2005, 15:48
اليوم كنت على موعد مع شئ غريب .. تواعدت مع مندوب مكتب عقارات لمشاهدة ( فيلا ) قال لى إنها للايجار .. أنا ساكن حاليا فى شقة و زهقت من حياة الشقق أبغي أنتقل لفيلا .. المهم و نحن فى الطريق مال مكتب العقارات اتصل بصاحب ( الفيلا ) و اتجهنا الثلاثة صوب الرماقية المنطقه اللى فيها ( الفيلا ) .. و أشوفه سايرين صوب البيوت الشعبيه اللى مبنايه من فترة بسيطه و مسلمتنها الحكومة للمستحقين .. توقعت انه بيسير بييب مفاتيح الفيلا اللى بيأجرها و لكني تفاجأت انه الفيلا المقصودة هى نفسها البيت الشعبي و البيت يديييد توه مستلمنه و حاط له ايجار ستين الف ;).. قلت للريال صاحب البيت ان هذا بيت شعبي و ممنوع تأجير هالبيوت أو بيعها قال الحكومة ملكتنا البيوت .. قلت اوكى ملكتكم البيوت عشان تسكنون فيها مب تأجرونها .. و كلمت مال مكتب العقارات و قلت له إن هالشئ مخالف للقانون و إنهم بيتورطون مع صاحب البيت إذا هم ساعدوه فى تأجيره .. الواضح من الموضوع إن الريال مخالف للقانون و الواضح أكثر إنه مب محتاج للبيت و الدليل إنه يبغي يأجره و هو فى هالحالة غير مستحق لمنحة الحكومة اللى فى ناس أولى منه فيه ( فتش عن الواسطة ) .. بصراحة ما أعرف اجراءات البلديه بعد تسليم مفاتيح البيوت لمستحقيها لكنى أتوقع إن البلدية تعتقد إن دورها ينتهي بعد ما يتم تسليم المفاتيح للمنتفعين من المكرمة .. أعتقد إن من واجب البلدية القيام بحملات مفاجئة على البيوت الحكومية و التأكد أن من صاحب المنحة هو من يسكن فيها و لا أحد آخر و كل من يكشف عن استغلاله للمكرمة فى الانتفاع الشخصي و المادى يسحب منه المنزل و يعطى لآخر محتاج بالفعل ... أتوقع إن هالشئ منتشر و أتمنى القضاء على هؤلاء الجشعين .
الجنـــــرال
30-06-2005, 16:01
أخويه بو ناصر ، في قانون عدم تملك البيوت حتى مرور 7 سنوات
يعني كل البيوت بعد التسليم تصير منحة وبعد مرور الزمن أو الواسطة يقدر يحوله لملك وله أحقية التصرف.

وأي واحد يتصرف بالمنحة كأجار أو بيع سوف يحال للقضاء البلدي

لأن هناك عقود وتعهدات وأي تلاعب سيؤدي حتما لسحب المنحة

نحن ما زلنا نعاني بعد ما نخلص صيانة للمواطنين أو عمل إضافات يقومون الملاك بتأجير البيت أو بيعه ..... للحينه ما توصلنا لحل ؟؟؟؟؟ مشكلة اللي راسهم يابس وما يفكرون بأشغال الحكومة

عموما أخويه في قوانين ولوائح وممكن تتجه للبلدية لمعرفة إذا كان البيت ملك أو منحة

واللي يخالف يستحق العقاب :D
شرجاوي مخضرم
30-06-2005, 16:01
الاخ الشمالي

تصدق اول مره اشوفك كاتب موضوع :p

ياخي المنتدى منتداك

وحتى بيت الايجار بيتك :p

اذكر زمان كان فيه قانون ( بس مب متأكد أذا يسري على جميع إمارات الدولة أو إمارة معينه )

اذا انته استأجرت بيت شعبي عن راعيه

ورحت البلديه تبلغهم بالأمر هذا

يسحبون البيت عنه ويتسجل بأسمك في حال ما عندك بيت مسجل بأسمك في دائرة الاراضي والاملاك

بس بما إن البيت تمليك

فالله اعلم
زايد في القلب
30-06-2005, 16:53
ياريال الي عنده واسطة امحصل يبيوت تكفيه له ولعياله

يالله الله يسامح الحكومة:(
ا لــصــقــر
30-06-2005, 17:58
اذا يت ع الايجار مب مشكله ..

في بيوت شعبيه امسوينها زريبه وفي بيت حق الجلاب عزكم الله

وبيوت لها اصحاب بس امودره .. :)

شرجاوي مخضرم ...

ه السالفه مستويه في بوظبي ... ;)

زايد في القلب ..

الظاهر انته مب عايبنك شي موول في الشارجه ...:)
ا لـشـمـا لـى
30-06-2005, 19:51
الجنرال .. أنا متأكد ان البيت مال الحكومة .. صف بيوت فوق الاربعين .. و بيوت كلها يديده .. و الريال اعترف ان البيت شعبى وحتى ارتبك يوم قلت له ممنوع هالشئ

شرجاوي مخضرم .. عيل انته ما تشوف عدل :p .. اعترف .. أنا مقصر فى كتابة المواضيع وحتى هذا الموضوع ما كنت بكتبه .:D

زايد في القلب .. الحكومة مب مقصرة .. الغلط غلط بعض المسئولين اللى ما عندهم ذمة ولا ضمير.


ا لــصــقــر .. عاد هذا اللى ياخذ البيت من الحكومة عشان يحط فيه جلابه هذا الجلب أحسن عنه.
SiLvEr
30-06-2005, 20:15
أعتقد بأنه قد حان الوقت لإنشاء أجهزة رقابية في كل إمارة تكون مستقلة و لها حق التدقيق و المتابعة و إصدار العقوبات و المحاسبة و ذات صلة مباشرة بالحكام لإعلامهم بكل شيء بطريقة مباشرة.. للأسف الأنظمة التعبانة اللي إستوردناها من الدول العربية الأخرى بها الكثير من الثغرات و إمكانية التلاعب بها بالكثير من الطرق الملتوية و تعتبر مصدرخصب للفساد
زايد في القلب
30-06-2005, 21:56
والله في اشياء كثيرة مب عاجبتني في الشارقة لكن في النهاية انا ولد الشارجة
المحامية الشرجاوية
01-07-2005, 01:28
الرسالة الأصلية كتبت بواسطة زايد في القلب
والله في اشياء كثيرة مب عاجبتني في الشارقة لكن في النهاية انا ولد الشارجة


اتوقع زايد في القلب والسنع زين بيستوون ربع ...:D
دبــــ ولد ـــــا
01-07-2005, 19:17
اتوقع زايد في القلب والسنع زين بيستوون ربع ...انا بعد!!!!
شرجاوي وبس
01-07-2005, 23:40
الرسالة الأصلية كتبت بواسطة زايد في القلب
ياريال الي عنده واسطة امحصل يبيوت تكفيه له ولعياله


الواسطه موجوده في كل دول العالم دون استثناء
شـــــذى
02-07-2005, 01:58
الصراحه صح كلام بعض الاخوان والله يعطون بيوت شعبيه حق اللي عنده فيتامين واااو:D

واللي عندهم هالفيتامين كل واحد ولد هالهوامير
وحليلهم ف ناس محتاجين طااااااااف ليييش؟؟ماعندهم واسطه

وفي ناس اتحصل لكن بعد طلعة رووح يعني سيروا راكضوا كل يوم وذلواا عماركم
وعاد ع الحظ اذا بيحصلون حسب المزااج:(

والله الحكومه ماتدري شويالسين يسوون هالناس من وراهم وشالقد ظلم وجور
واخذ حقوق الناس

والله كلام اللي فالقلب لازم ينقال
Smart
03-07-2005, 17:10
الله يكون في عون المحتاجين ... الحكومة تبني وتوزع على التجار ولاعبين الكرة والفقرة والمستحقين مايحصلون شيء
ا لــصــقــر
03-07-2005, 22:08
يا ريال ... اجّرلك شقه في عيمان

وفك عمرك من الصدعه والمراكض في الديوان :D
الجنـــــرال
03-07-2005, 23:29
:) يقولك أصحاب الأجارات أولى بالمسكن الشعبي