المساعد الشخصي الرقمي

مشاهدة الإصدار الكامل : وين خالد حريه قبل الكاس

درب الزلق
24-05-2003, 17:08
مع احترامي لخالد حريه اقول لخالد بسك نفاق يوم الفريق محتاجلك ماتحضر لمباريات علشان تشجعهم وتيلس عن محلاتك حق الشماته في خلقالله 0

ويوم يوصل الفريق فوق يت الملعب حق الغوازي بس ياجماعه ماودياأشوف حد من محبي الشارقه منافق و أسكت عنه وهذا الشئ مب روحي ملاحظنه وايدين ملاحظين خالد حريه بها الاسلوب-l- -l- -l- -l- -l- -l- لفلوس تغير لنفوس 0
ا لــصــقــر
24-05-2003, 17:17
كلامك صحيح اخوي 100 %
شرجاوي وبس
24-05-2003, 17:41
بس ياخويه خالد حريه صاحب تجاره ومليونير وما يتريا شئ من نادي الشرقة ورجوعه للتشجيع ما هو إلا حبا في ناديه الذي وقف خلفه لما يقرب من 20 سنة صرف فيها من جيبه الوف مؤلفه لا انته ولا أنا ولا غيرك صرفها.
درب الزلق
24-05-2003, 20:39
اخوي شرجاوي وبس بسألك من وين ياب فلوس حق التجارة من لمعلايه مثلا ولا من شوه النادي والمنتخب ولسان حريه خلته تاجر ( الله يعطيه ويزيده ) لاكن الرجال ينعرفون وقت الشدايد-e-
البرنس
24-05-2003, 21:48
خالد حريه كان موجود في المدرجات واخر مباراه كانت مباراتنا ويا العين في نادي الشارجه ...

بسألك من وين ياب فلوس حق التجارة من لمعلايه مثلا ولا من شوه ؟

يمكن الفلوس مخلفه عليه؟؟
بعدين حريه له معارف وايد في الشارجه واموره ماشيه .... وبخصوص المطبخ امره هين كل واحد يروم يفتح مطبخ ومثل ماتشوف اكثر من عشرين مطبخ شي في الشارجه ولا واحد ناجح نفس مطبخ حريه لييييييييييييش؟؟لان الناس كلها اتعرفه؟؟

الفتره الي ابتعد فيها حريه عن التشجيع كان يبغي يعتزل التشجيع ويخلي واحد ثاني مكانه يشجع وانه يتم ضمن الرابطه بس الاداره ماوافقت على هذا الشي ..

بعدين انا كلمت حريه قلتله الصراحه الشرجاااااااااويه كلهم زعلانين منك ماتشجع ولا شي؟

قالي يا (فلان) انا امي متوفيه من فتره انته ترضاها اني ادق معلايه واغني؟؟؟

وقال انا برجع في مباراة الاهلي ...... ومثل ماوعدني شفته يشجع..

حرام نظلم واحد شجع النادي بكل اخلاص طول عشرين سنه ومافكر يطلب من الاداره بيزات؟؟؟
شي من المشجعين الي في الفرقه طلبوا من الاداره فلوس حريه مووول ماطلب

تحيااااااااااااااتي
الموج الأبيض
24-05-2003, 21:56
اكيد خالد حريه شجع الشارقة طوال العشرين سنه الي مضت وشجع الفريق في الدرجه الثانيه
جنتلمان
24-05-2003, 23:02
لا ياجماعة لاتقولون معلايه ولاشيء

خالدحرية امه متوفيه كان آخر مباراة مباراة العين للاسف بعدة ام اتفت
درب الزلق
24-05-2003, 23:53
اوكيه انا احترم عطاء خالد حريه طوال العشرين سنه ولاكن الفريق مر بظروف صعبه تتطلب من كل شرجاوي غيور انه يوقف مع الفريق وعن وفاة امة الله يرحمها ويغمد روحها الجنه صح نسيت هذي السالفه لاكن قولي وين كان قبل وفاة امه 0 الجواب : دبا :o
شرجاوي وبس
25-05-2003, 00:23
اخويه "درب الزلق" خل الأم علايه ودبا وهاي السوالف على صوب ، نحن مب هذا موضوعنا وهاي الأمور شخصية ومب من حقك تتدخل فيها.

انته ما تقدر تحكم على واحد خدم جميع اللعبات وجميع الأندية والمنتخبات طوال أكثر من ربع قرن. لكل إنسان ظروف ولكل شخص نفسيات تتغير بين حين وآخر واللي يقدر يشجع اليوم باجر يحس انه ما يقدر وإذا انته اتموت في شئ معين يأتيك يوم اتحس فيه انك اليوم مب حاس انك تبغيه وهذا امر طبيعي. الريال تم على نفس المنوال سنوات ولازم بيمل.

أما بخصوص موضوع الملايين التي يملكها فلا النادي ولا أي حد عطاه أي شي اخويه. لسانه هو اللي سوى كل شي وركيظه ورا الشغل بنفسه وتفكيره السليم والريال ماشاءالله مب بس مطبخ عنده ، عنده عقارات ماشاءالله.
شرجاوي غاوي
25-05-2003, 00:31
حرام والله تظلمون الريال الريال خدم النادي عشرين سنه او اكثر
زين منه ان لين الحين يالس يخدم النادي والمنتخب


سؤال : في رئيس رابطة مشجعين احسن عن حرية؟؟
في رئيس رابطة مشجعين خدم نادية اكثر من حرية؟؟


الجواب : اكيد لا
شرجاوي وبس
25-05-2003, 00:36
للعلم.. أنا مرة من يمكن عشر سنوات أذكر أني شفت له برنامج بالانجليزي في STAR T.V. وهذا يعني بأن شهرته تعدت الحدود.
نحـ(شرجاوي)ـــول
25-05-2003, 00:52
حبيبي درب الزلق لا ترمس في شي يوم إنّك مب متأكّد منه ..:(
ياما وقف حريّه ويا الشارجه أزيد عن 15 سنه والحينه يايين اتحاسبونه!!! حريّه الخرده فوقه وتحته ما يتريّا شي من إدارة النادي-98-لو يبا بيشل النادي روحه بفلوسه .. وشكل ما قالوا كانت أمّه متوفيه إيي النادي ..مالكم حق اتقولون عنه جذيه .. يزاه الله خير على وقفته ويا النادي . -TE-
نحـ(شرجاوي)ـــول
25-05-2003, 00:59
مصير الي يغلط على حرية حرام عليكم مايستاهل بالوليد >>>>> -34- -58-
عجايب
25-05-2003, 01:15
صراحه حريه سوا الي عليه وما قصر ..
اخوي درب الزلق انت تقول
ولاكن الفريق مر بظروف صعبه تتطلب من كل شرجاوي غيور انه يوقف مع الفريق

انت بس تلوم حريه .. الجماهير بعد .. وايد كانوا مقصرين ويا النادي .. يوم كان مستواهم تعبان .. ما كنا نشوف الا كم واحد ينعدون على الاصابع .. على العموم انت تقول جي من حرصك على النادي .. بس مثل ما الكل قالك .. حريه ما قصر ..
لهيـــــــب
25-05-2003, 03:55
أحلى هناك رووووووووح الي ادافعون عن خالد حريه:p
المبتلي
25-05-2003, 11:11
اسمحولي اني اشارك معاكم في هالموضوع

خالد حرية : هو رئيس الرابطة الوحيد اللي مستمر مع النادي لين الحينه.
واللي انا اشوفه ورى الفريق من يوم كنا اصغار ( كنا انا والشمالي انروح النادي قبل المبارة اب 3 ساعات عشان ننقز من فوق الباب وساعات كان خالد حرية يدخلنا ).

خالد حرية كان يدفع من جيبه ساعات اذا ما اتعرفون هالشي.
خالد حرية انا اعتبره لاعب اساسي في فريق الشارقة.
وبخصوص انه خالد حرية كان يشجع عشان الفلوس فخلونا انكون صريحين والكل يعرف ان نادي الشارقة يواجه صعوبات مالية من زمان وكانوا اللعيبه يحصلون مستحقاتهم بصعوبة لما تتوفر الميزانية فكيف استفاد خالد حرية ماديا.
اذا البعض يتكلم عن بعض المكافأت اللي حصلوا عليها فأعتقد هذا من حقهم لان الرابطة لها مصاريف بعد.

خالد حريه عمره ما نسى الأبيض واعتقد انه لو سويتوله تحليل دم بتحصلون دمه ابيض .
وللعلم خالد حريه اعطى للنادي اكثر من اي واحد فينا.
واذا كان خالد حرية انسان مادي ويدور مصلحته جان راح ومسك رابطة نادي العين او الوحدة او اي نادي من الاندية الغنية.

وبسالكم سؤال وارجوا من الجميع انه يجاوب عليه

اذا حد سألكم عن نادي الشارقة شو اللي يخطر علي بالكم بعد اللعيبة. انا متأكد انه على طول بيخطر على بالكم خالد حرية.
واذا حضرتوا اي مباراة شو اللي اتدورون عليه غير اللعيبة ؟ انا بقول لكم اتدورون خالد حرية في المدرجات. وهذا ابروحه فخر لخالد حرية وهذا اعتقد اغلى عند خالد حرية من أي ماديات.

واذا خالد حرية اتوفق في تجارته فهذا راجع الى الخدمة الجيدة اللي يقدمها واشرافه الشخصي على المطعم واللي ما يعرف انه خالد حريه بدى بمطعم صغير وبعد فترة طويلة بدى يتوسع بتوفيق من الله ولعلاقات خالد حرية الجيدة مع الجميع الشخصيات المهمة والعامة وللسمعة الحسنة اللي يتمتع ابها.
وعلى فكرة خالد حرية انسان متدين محافظ على صلواته بغض النظر عن ماضيه والكل يغلط والريال عرف طريق الصواب.

والسموحة تراني يالس اكتب وانا تقريبا راقد وما ادري اذا كان ربطي للجمل اوكي والا لا.
للعلم انا ما اعرف خالد حرية شخصيا ولكني التقيته مرتين او ثلاثة في المطعم ولاني فعلا اعجبت بهالانسان العصامي.


وشكرا
النبض الشرجاوى
25-05-2003, 11:15
أنا مع اخوي شرجاوي و بس

فعلا خالد حريه شخص محب لنادي الشارجه و ما نقدر ننكر هالشي
sharjawy
25-05-2003, 14:46
بسم الله الرحمن الرحيم

مشكوريييين لكل من دافع عن المشجع الأول في نادي الشارجه خالد

حريه, وبو وليد يستاهل كل خير نظرا لما قدمه من تضحيات وجهد كبير

لخدمة إسم النادي, ومهما قلنا ما نوفيك حقك يا خالد لأن إسمك إرتبط

بالنادي وجمهور الأبيض من يوم كنا صغار, وحتى في المشاركات

الخارجيه كنت من أول الحاضرين لمباريات المنتخب ولو في آخر الدنيا,

وحتى دوره ما كان في التشجيع وبس, كان يساعد جمهور الإمارات

ويسهل من مهمتهم في كل المباريات. لو قلنا و قلنا ما بنوفي هالريال

حقه ويكفينا وجوده في الملعب بتشجيعه المميز ورفعه لمعنويات

اللعيبه, لإرتباط حريه بكل اللعيبه وحبهم لمشجع الشارجه الأول خالد

حريه. والله يوفقه إن شاء الله ويوفق كل جمهور الأبيض.




-226- -226- -226- -226- -226- -226- -226- -226- -226- -226-

-226- -226- -226- -226- -226- -226- -226- -226- -226- -226-

-226- -226- -226- -226- -226- -226- -226- -226- -226- -226-

-226- -226- -226- -226- -226- -226- -226- -226- -226- -226-
sharjawi
25-05-2003, 14:54
ياجماعة ماعلينا من المنافقين الحين علينا كيف انشجع الملك في النهاية