من هنا ومن الآن سنحشد جماهيرنا في مدينة زايد ..

[الحمادي]

السلام عليكم ورحمة الله وبركاته ..


اول شيء ابارك نفسي واباركم على الفوز الغالي على الشياطين الحمر .. واللي الصراحة .. ذكرنا بأياااااااااااااااااااااااااااااااااام .. :( :(


الآن .. جاءت الخطوة الاهم في مسيرة الشارجة في هالموسم .. نهائي الكأس .. :D

طبعا قبل ما نتكلم عن دعوة الجماهير لاستاد مدينة زايد .. لازم نشكر كل الجماهير اللي تواجدوا في ملعب الوصل والي كانوا فاكهة المباراة ..
:D


من هاللحظة .. لازم ننسى مباراتنا ضد الاهلي .. ونفكر في الاهم .. لان طموحنا مب النهائي وبس .. طموحنا .. نرجع الشارجة والكاس بايدينا .. :D :D


وعشان نعيش المباراة النهائية .. لازم نفكر بطرق واساليب لجذب الجماهير لاستاد مدينة زايد .. :D

ولازم جماهيرنا يكونون الاكثر .. لان فريقنا الاكثر شعبية .. ولازم نثبت لهم هاالشيء ..


فخلونا نفكر بطرق .. لجذب الجماهير ..

وانا بكتب عدة طرق .. وان شاء الله المسؤولين في النادي ينفذون اللي نباه .. لان نحن كجمهور من حقنا نبدي راينا .. :)

المهم ..

1- تجهيز باصات لنقل الجماهير لمدينة زايد .. واتمنى توفير باصات للمناطق البعيدة ايضا .. مثل خورفكان وكلباء .. الخ .. :D

2- الاعلان في الصحف والاذاعات .. ولا تنسون ان بعض مشرفينا لهم علاقة كبيرة بجريد الخليج ;)

3- الترويج للمباراة من خلال موقعنا .. وخصوصا الحين الموقع صار مشهور بعد ما شفنا اللافتة في الملعب .. ;)

4- واتمنى من كل واحد يسير المباراة .. يشل معاه اكبر عدد ممكن من الاشخاص .. :D :D (حلوة هاي )



يا شباب .. الموضوع جدا مهم .. واتمنى من كل واحد يدخل الموضوع .. يكتب اي طريقة تيي في باله .. عشان نتعاون كلنا في حشد الجماهير الشرجاوية .. :D


وهذا تصميم بسيط للمباراة .. لقيته في احد المواقع ..

http://www.3nabi.com/vb/attachment.php?postid=94988



يالله شباب ..

وداعة الله .. :D

[ا لــصــقــر]

كفيت و وفيت اخوي...:D

[وافد شرجاوي]

أتمنى ومن كل قلبي أن لا نبخل على فريقنا بالحضور والتشجيع وان نثبت لاصحاب السعاده وفي عقر دارهم اننا الجمهور الاكبر

[شرجاوي وبس]

أخي الكريم "وافد شرجاوي". إذا على الجمهور فهذا شئ أكيد بأننا أكثر وأفضل ولا نجتاج للإثبات ، فجمهورنا يحضر دون الحاجة إلى السحوبات والدعاية.. الخ من أمور أخرى.

[الحمادي]

مرحبا شباب ..


اخوي شرجاوي وبس .. انا معاك في ان الجمهور الشرجاوي .. ما يحتاي حد يوصيه على الحضور .. :D :D

بس لا تنسى .. ان في ناس يبون يسيرون المباراة .. بس ما يقدرون .. :D :D

وبعدين .. اخوي .. تغير الزمن الحين .. الحين اذا ما بسوي دعاية للمباراة .. ما بتحصل جمهور مثل يوم بتسوي دعاية .. :D :D


على العموم .. اتمنى من كل الاعضاء .. انهم يتعاونون معانا في حشد الجماهير ..


واسمحوا لي ..

[عجايب]

صح كلامك اخوي الحمادي .. وان شاء الله اقتراحاتك تتنفذ .. واهم شي نشوف جمهور الشارجه الحقيقي في النهائي ..

ونبغي همتكم يا شباب المنتدى .. نبغيكم كلهم تكونون هناك .. وان شاء الله خير ..

[النبض الشرجاوى]

يعطيك العافيه اخوي الحمادي

و الاكيد الجمهور هذي المره بيكون أكبر من السابق


و الله يوفج الملك

[نحـ(شرجاوي)ـــول]

دعوة عامة لكل عشاق ومشجعي الأبيض .. يرجى التواجد في إستاد مدينة زايد يوم الخميس .. اصلن مايحتاي أوصيكم روحكم بتون .. وكل واحد ايحمل ربعة وعيال عمة وعيال خالة الفريج كلة..
-39- ATTENTION : -

[الملكة الشرجاوية]

مبروك عليكم مرة ثانية الفوز ..

أنا اقتراحي يقول :
ليش الجمهور الشرجاوي ما يجتمع في وقت معين من يوم الخميس في نادي الشارقة مثلا .. ويظهرون شلة مع بعض .. حتى وصولهم لمدينة زايد ..



تحياتي -231-

[شرجاوي غاوي]

والله انها فكره حلوه
;)

[المغروره]

يارب على كل هالحماس اللي فينا ..اتوفقنا وناخذ الكاس ..


قولو اميييييييييييييييين:)


مشكور اخوي الحمادي ..

[الحمادي]

مشكوووورين اخواني على التواصل الجميل .. :D


وبالنسبة للفكرة .. التجمع عند النادي .. الصراحة فكرة حلوة .. بس لازم نطبقها بطريقة ثانية .. :D

مممممممممممممممممممممممم

يعني مثلا .. بدال ما نيمع مواتر الشباب عند النادي .. نيمع باصات النادي في النادي .. واللي يبغي يسير المباراة .. يوصل عمره للنادي .. والباصات بتوديهم للنادي .. :D

واتمنى .. من ادارة النادي انهم يوفرون باصات للجماهير .. للمناطق البعيدة .. :D

يالله يا ادارة النادي .. خلوا الدريولي يحللون معاشاتهم .. لوووووووووول:D :D


واسمحوا لي ..

[وافد شرجاوي]

الله كريم أختي المغروره وانشالله الكاس شرجاوي

[شرير الشارجه]

انشالله نحن بنسير المباراه و بنكون اكثر من 15 شخص و الله يوفقنا انشالله فالمباراه و نرجع الشارجه و نحن مسوين مسيره و الكاس ويانا :p

[DomDom]

:) SalaaaaaaaaaaaaaaaaaaaaM Shabab we Shabat:p al7amdela hal2ayam kel shay metwafer ... we almbara batkoon 5mees .... y3ny ma7ad 3ndeh 3eltheh or 3ether .. ella le al'9roof al5a9ah bas lazm lazm kel sharjawy yeseeeer walla gahaaaaaaaaaaaaaaaar ana bara3 alblad wella et7a9loony ragd jedam madeent zayed mn yoom al2rb3a2 looooool :p .... walla 7e'9art embarayat fe aldawry alengleezy we kan aljemhoooooor fa'9ee3 ..... kent atmana reb3ah ykoon white fe white we ykoon sharjawy .... walla nas '3areba 3dena ... in england nas fegara yeshte'3el 6ool alweek 3shan eyeeb geemat athkrah .. we the cheapest ticket is here 200 Dirham we e7na hnaak tickets are free we yalla yalla eyooooooon ... we al7amdela 3aysheen fe blaad ... be5eer we ne3meh ... ma fe ay excuse or 3ether not to come ............... neba aljemhoor alsharjawy ykoon momayaz .. 7eta lo 5esar alfareeg .. we still love Sharjaaaaaaaaaaaaaaaaaaaaaawy anyway hathrabt 3lekom wayed lol sorry .. Bye;)

[s h a r j a w y]

:o :o انشاء الله الكاس للملــــــــــــــــــــــــــــك الشرجاوي والله انه يستاهلونه حرام ماناخذه والله حرام ماقمت ارقد وتفكيري كله في المباراه والله الله يعيين:o :o

[وهج السراب]

افكاركم روعه ... واللي عيبني فيكم حماسكم ....

عن نفسي .. انا سيارتي راح تكون ممزوره شباب ... وطبعا .. اجرنا باصات باسعار رمزيه حق ربعنا اللي ماعنده توصيله ....

واللي محتاج مساعده .. حاضرين ... نمد يد العون .. المهم ان جمهور النادي يتواجد خلفه في الاستاد .. ونؤازره ....

في خاطري نسوي .. حركة الأمواج هذي هناك .. شو رايكم ؟؟؟؟ ;)

-230-

[الحمادي]

السلام عليكم ..


اول شيء اشكركم على التفاعل الحلو ..


اخوي ابن الشارجة ..


دامكم مأجرين باصات ..

شو رايك تحطي موضوع خاص بروحه .. وتكتب فيه .. ان اللي ما يقدر يسير .. يرد علينا .. ونحن بنوصله .. ;);)


شو رايك ؟؟

[وهج السراب]

والله ما عندي مانع .....

بس ما نبا نكثر المواضيع المؤقته ... بس اللي حاب .. لا يتردد يرسل لي على الخاص :)

[شرجاوي غاوي]

مشكوووور اخوي

والله انها فكرة جيدة

[شرجاوي وبس]

عاد أنا وربعي خقاقين ، إذا شفتوا "ليموزين" طويييييييييييل داش مدينة زايد ترا أنا و13 واحد من ربعي اجرناه وأتمنى انه انسوي مسيرة بعد المباراة.:D