الاتحاد التركي يطلب أدموس لمدة عامين

[شرجاوي وبس]

370 ألف دولار المقدم و35 ألفاً شهرياً

كشف احد السماسرة الاوروبيين بعض تفاصيل العرض الاوروبي الذي تلقاه الهولندي ادموس المدير الفني لمنتخبنا الوطني خلال منافسات خليجي 17 بالدوحة والعرض تلقاه من الاتحاد التركي لكرة القدم لتولي تدريب منتخب تركيا.تفاصيل العرض التي كشفها السمسار الاوروبي تتضمن حصول ادموس على مقدم عقد يبلغ 370 الف دولار وراتب شهري قدره 35 الف دولار ومدة العقد عامان.

واكد السمسار لـ «الرياضة» ان ادموس طلب مهلة للتفكير ولم يمانع في قبول العرض وسيرد على الجانب التركي خلال ايام.وقال ان الاتحاد التركي دخل في سلسلة من المشاكل مع مدرب المنتخب التركي ارسون يانال خاصة بعد الخسارة صفر/3 في تركيا امام المنتخب الاوكراني واحتل المركز الثاني في مجموعته بعد هذه الخسارة.

واضاف انني علمت من ادموس ان عقده مع الاتحاد الاماراتي يسمح له بانهائه مقابل دفع شرط جزائي وانه مستعد للعمل بتركيا لكن الامر ليس بالسهولة الان ويحتاج الى تفكير لانه لم يمض اكثر من 6 اشهر مع منتخب الامارات.

جريدة البيان

[Le Roi]

دوكم

يــوم أقــول لكم هالمدرّب مب هيّــن

الحيــن بيــاخــذونه عنكم و بيطلّع تــركيــا ..

الزيــن مــا يتم عندنــا

Le Roi

[شرجاوي وبس]

حتى السبوس يا اخويه Le Roi مطلوب في كل المزارع ;)

[الزعيم الشرجاوي]

الغريب يعني إنه الإتحاد التركي طلب أديموس بناءا على أداءه في كأس الخليج :::04::: :::04:::

[زغلول]

اسمحو لي اعقب على هالموضوع .. هاييله اللي يعرفون للمدربين .. المشكلة ان هالمدربين محترفين وطول عمرهم يتعاملون مع لاعبين محترفين وعقليتهم تختلف عن لاعبينا .. فشي طبيعي المدرب يبغي له فترة طويلة عشان يعرف كيف يتعامل مع عقلية اللاعبين الهواة .. ومن اهم المشاكل اللي يتعرض لها المدرب مع اللاعبين الهواة هي طريقة التعامل .. تلاقي اللاعب المحترف مطيع لدرجة كبيرة ويتحمل كل الضغوطات والشدة في المعاملة .. لكن لاعبينا لو كلمهم المدرب بعصبية شوية .. عادي يحصل بكس على ويهه .. ولاّ تلاقي يعاند وماله خلق حق التدريبات .. وعلى هالاساس تصير هناك مشاكل بين المدرب واللاعب ..

أغلب المدربين اللي نجحوا مع الامارات مثلا .. هم اساسا عاشوا في الدولة فترة طويلة ودربوا فرق خليجية كثيرة وعلى هالاساس تعايشوا مع هالعقلية وتعاملوا معاها مثل ( مهاجراني _ كارلوس البرتو _ زاجالو _ جودار ) لكن الباقي ما كملوا حتى سنة .. بالنسبة لإديموس ( السبوس ) ;) .. مدرب من النوع الهادي .. واللي من الممكن اللاعبين يرتاحون لاسلوبه بس نصبر عليه شوية .. ونعطيه فرصة يعرف عقلية اللاعبين ..

[شرجاوي وبس]

اخويه زغلول كلامك على عيني وراسي. لكن في مدربين ما جد دربوا في الخليج ولا جد سمعوا بشي اسمه (لاعب هاوي) ومع هذا من أول سنه تشوف النتائج الطيبه وياه. يا ريال نحن ما طالبنا ببطوله ، لكن على الأقل نبا انشوف تصرف سليم في اختيار الأساسيين في كل مباراة وحسن قراءة اللعب واخيار البدلاء واختيار الوقت لأنزالهم. لكن لا شفنا هذا ولا هاك من السبوس:(

الله يغربل ابليسك يا زغلول أحينه بتخلينا انمشي اسم السبوس عليه :D

[زغلول]

اخوي شرجاوي وبس .. طول بالك .. وبعدين السبوس أحسن عن الجت .. إصبر على سبوسك لا يجيك أجت عنه .. ;)

[شرجاوي وبس]

:::0248:::