المساعد الشخصي الرقمي

مشاهدة الإصدار الكامل : مجرد إقتراح للإدارة الشرجاوية حول دخول الجماهير

الــخـيـّـال
02-03-2003, 18:44
هل تعتقدون أنه اذا بادر نادي الشارقة بدخول الجماهير مجاناً وفي نفس الوقت إصدار بطاقات تحدد لها مبلغ معين لشرائها تخول الشخص اللي يشتريها بدخول السحوبات على الجوائز في كل مباريات النحل الأبيض !! فكرة صائبة أم لا ؟؟

أعتقد بأنهم سيستفيدون من ذلك حضور جماهيري كبير لمباريات الفريق ومؤازرة النحل الأبيض خلال مسيرته الكروية وسيحقق ربحاً مالياً و تعم الفايدة للجميع ..






تحياتي لكم :)

أخوكم يوسف عبدالله محمد
البعد الشرجاوي
02-03-2003, 19:01
أظن انه ها الإقتراح معقول ونادي الوحدة سوى هذا الشئ
MALINKO
02-03-2003, 22:34
بس ما أظن أن نادي الشارجة يعملها مع احترامي لها
ا لـشـمـا لـى
03-03-2003, 03:06
بشرط ان تقوم الادارة بعمل بطاقات دخول وبيعها باقل من قيمة دخول احدى عشر مباراة على ملعبنا .. وفى هالحالة اللى شارين البطاقات بيظبطون مواعيدهم على مباريات الفريق عشان ما تفوتهم مباراة دافعين ثمن دخولها .

يعنى البطاقة تسوى 350 تنباع بـ 250


تحياتى
الصوت الجريح
03-03-2003, 08:07
والله اقتراح جيد..واتمنى انه يستوي هذا الشئ
الزعيم الشرجاوي
03-03-2003, 08:17
صح كلامك أخوي كاتب محترف وأخوي الشمالي

لكن في نظري ما أعتقد أن هذه بتزيد من الحضور الجماهيري لأن الجمهور ما قاعد يحضر مو عشان التذكره ما قاعد يحضر عشان اللعب البارد اللي كان يلعب فيه الفريق لكن ما أن عادة الروح للفريق حتى عادت الروح للجماهير

وأنا متأكد أن الجماهير التي حضرت مباراة الشعب مستعدة تحضر كل المباريات لو كان الأداء المتوقع جيد

وشكرا
شرجاوي وبس
03-03-2003, 09:09
أنا مع الأخ الزعيم الشرجاوي بخصوص ان الجمهور لا يهتم في موضوع سعر التذكرة وانما همه الأول هو اللعب والمستوى ، فعندما بدأ المستوى بالإرتفاع عاد الجمهور الشرقاوي للمدرجات.
SHARJAHWY POWER
05-03-2003, 05:52
walh anaaa klaaamy m3aaa kaatb m7trf
traaa feee shbaaab 9`3aaar maaa ygdrooon ydf3oooon kl mbaarh wfeee naas maa 3ndhm ydf3ooon
bss y7booon alnaady wdhm y7`9roooon
wfeee wafdeeen mn akber mshg3eeen alnaay wlw 3mlhaaa alsharjaweyh wst edaart alsharjh ktheee btshoofw algmaaheer wlkaaas shrjawey b7`9oooorhm gooloo ameeen
MALINKO
05-03-2003, 10:18
أنا أقول ان في مباريات الكأس سيأتي الجمهور لتشجيه فريقهم





لأنهم بدأو يفكرون في الكأس لأن المباريات التي لعبوها في الدور الثاني يدل على أنهم شرجاوية بلا منازع
الــخـيـّـال
06-03-2003, 15:29
أول شي أحب أشكر جميع الأعضاء اللي أبدوا رأيهم بالموضوع ..

الأخ ا لـشـمـا لـى
بخصوص عرض سعر البطاقات . اعتقد ان حتى لو يخصمون من قيمة البطاقة من 350 درهم ويخلونها 300 درهم بيكون شي حلو ومناسب للجميع ..
بصراحة فكرة حلوة وأتمنى من الادارة الشرجاوية النظر في الاقتراح ..

الزعيم الشرجاوي
صدقني لو قررت الادارة الشرجاوية بفتح الابواب مجاناً وأيضاً تخصيص بطاقات ذهبية مثلاً تباع بسعر مناسب ( يعني اللي يبا يشتري البطاقة كيفه بس عشان الجوائز ) فكرة حلوة وبتشوف الجماهير كيف بتحضر .. لأن بصراحة الزمن خلاص تغير وأكثر الاندية تخصص جوائز قيمة بس عشان يضمنون الحضور الجماهيري ..
وبخصوص الجماهير اللي تحضر بس عشان اللعب الحلو .. شي اكيد هذا بتزيد الجماهير بفضل السحوبات وراح نشوف جماهير عربية حاضرة في المدرجات والناس كلها تدور في الفترة الحالية على السحوبات والجوائز ..

شرجاوي وبس
القاعدة الجماهيرية لنادي الشارقة كبيرة .. واللي حضروا المباريات في الدور الثاني مب الكل .. صحيح ان لما الفريق تطور مستواه حضر جمهور كبير لكن ليس في مستوى الطموح .. اتمنى انك تقرا الكلام اللي وجهته للأخ الزعيم الشرجاوي فوق بخصوص زيادة الحضور الجماهيري ..

عزوز
أؤيدك بأن الجماهير عينها على كأس رئيس الدولة وانشالله يكون من نصيبنا ..

تحياتي :)
الصوت الجريح
06-03-2003, 17:01
الله ياجماعه أنا عندي بطاقه دخول النادي مجانا بس تصدقون مادخلت بالبطاقه غير مره وحده وهذا الكلام في الموسم الماضي..

الزبده من الكلام أن نادي الشارقه ماراح يسوي بطايق للجمهور..





...تحياتي...
...بوميثاء...
MALINKO
06-03-2003, 20:40
و هذا حرام
الـمـ(al~sharjawi)ــلـك
07-03-2003, 00:47
نحن الشرجاويه ما تهمنا الجوايز مثل جمهور بعض الفرق و ماتهمنا سعر التذاكر همنا هو بس الفريق
الــخـيـّـال
07-03-2003, 01:02
الأخ شرجاوي للابد

أحب أوجهلك سؤالين ..

هل الأفضل حضور 5 ألاف متفرج أم فوق الـ 10 آلاف متفرج ؟؟

هل انت مقتنع بالجمهور اللي حضر مباريات الفريق في الدوري ؟؟ مع العلم القاعدة الجماهيرية لنادي الشارقة كبيرة ..

وأحب اقولك ان مافي نادي ما يبا جمهور كبير يحضر مبارياته .. حتى لو بالسحوبات والجوائز ..


تحياتي :)
درب الزلق
07-03-2003, 02:39
السلام عليكم
سالفت الجوائز هذي مب النا هذي حق الفرق الي ماعدهم جمهور وتوهم ياخذون بطولات وعليكم رفجه اني شايفنهم يلبسون ( هنود) فوانيلهم ويلسونهم في المدرجات وطولي عماركم نادي الشارجه مب محتاج حق هالسوالف جمهوره خل يشوف مستوى يشرف بتشوفه موجود ورى الفريق وين ماكان حتى لوكانت التذكره ( خمسين ) درهم $ في كل مباراه
الشارقه
07-03-2003, 02:50
الى الاخ يوسف عبدالله

عني انا

افضل خمسة الاف مشجع من الجمهور الرياضي المساند للفريق في جميع الاحوال



من ان ياتي عشرة الاف مشجع جاء النصف منهم للجوائز


او منهم من جاء لقضاء الوقت كما حصل مع الشارقه في الدور الثاني

الجمهور حضر بكثافة في مباراة الوحدة و بعد الخسارة انكمش الجمهور و تقلص العدد الى اقل من الربع في مباراة الظفرة و الوصل ودبي
MALINKO
07-03-2003, 03:54
الشارقة أنا معاك في هذا
شرجاوي وبس
07-03-2003, 17:21
مهما زاد عدد الجمهور في المدرجات فليس له معنى إذا لم يكن متفاعل مع المباراة طوال الوقت.-231-
MALINKO
07-03-2003, 22:14
كلامك صحيح
الــخـيـّـال
08-03-2003, 00:53
الأخ الشارقة

يعني انت تشوف حضور 5 آلاف متفرج أفضل من 10 آلاف !! أمرك غريب بصراحة
أحب أوجهلك سؤال ..
برأيك هل اللاعب اذا دخل المباراة وشاف في المدرجات أكثر من 10 آلاف راح يتحمس وبرتاح اكثر أم بالـ 5 آلاف متفرج ؟؟
وعلى فكرة حتى لو الجمهور حضر بس عشان الجوائز .. انت متأكد ان ما راح يشجع ؟؟
اتمنى انك تشوف جمهور نادي الوحدة .. وتعرف كيف جمهوره حضر المباريات وكيف يشجع الفريق ..

الأخ درب الزلق

اسمحلي عيل بعد ‍‍‍‍!! انت عيب عليك يوم تلبس فانيلة البرازيل أو أي منتخب أو نادي عالمي .. بصراحة أول مرة أشوف هالراي .. وعلى فكرة اذا انت مب عارف هالشي ترا في هنود بعد يحضرون مباريات الشارجة ولابسين فوانيل عليها شعار الشارجة .. مافي أي نادي مايشجعه هندي ..
وبعدين أبا أسألك سؤال ..
هل نزل قرار دولي بمنع الهنود من التشجيع ؟؟ أخاف الا انته حرمت على الهنود التشجيع ..
كلامك غير منطقي بصراحة وأتمنى انك تكون واقعي شوي ..

الأخ شرجاوي وبس

أتمنى انك تقرا الكلام اللي كتبته للأخ الشارقه وشكراً لمشاركتك

تحياتي :)
الزعيم الشرجاوي
08-03-2003, 08:36
أخوي يوسف أهم شي اللاعبين

يعني اللاعب لما يشوف اللي قاعدين يشجعونه نصهم جايين عشان الجوائز أتوقع أن عطائه راح يقل

بتقولي ليش هذا الكلام ما ينطبق على لعيبة الوحده بقولك أصلا لعيبة الوحدة والعين يلعبون علشان الجوائز والفلوس مو عشان ناديهم
أما لعيبتنا غير أهم شيء سمعة الفريق لأنهم يعلمون التاريخ العريق والمجيد للنادي الذي يمثلونه

وشكرا
الشارقه
08-03-2003, 13:48
مشكور على الرد الكريم
و حبيت اوضح لك نقطة طلاحت و نوقشت في الوسائل الاعلامية و هي ان لاعبي الامارات لا يتاثرون بالجمهور على عكس الاندية الاوروبية التي يلعب فيها الجمهور الدور الاساسي

و تقدر تحكم حيث خسر الشارقة امام الوحدة بستة اهداف بحضور جماهيري كان اكبر من اللي حضروا مباراة العين
و في مباراة الوصل و مباراة بجمهور يعد على الاصابع فاز الشارقة و قدم مستوى اكثر من رائع

بالنسبة لجمهور الوحدة نعم انا حضرت مباريات للوحدة على ملعبه و انا كتاكد من ان جمهور الجوائز و السحوبات لا ينفع( انت احضر بنفسك و سوف تعرف الفرق بين اللي اتى ليشجع و الي حضر ينتظر شي)
شرجاوي وبس
08-03-2003, 15:54
اللي ياي متعنّي يبا يشجع بيشجع من خاطرة.

نسيتوا في امم آسيا ، كان جمهور المنتخب الإيراني في المدرجات لا يزيد عن 5000 تقريبا لكن صوته كان مخيف جدا وأعلى من صوت جمهور الإمارات الذي كان يقارب الـ 60000
الــخـيـّـال
12-03-2003, 22:41
الأخ الزعيم الشرجاوي
بالنسبة للجمهور اللي بيحضر المباراة عشان الجوائز .. حط هالشي في بالك ان جمهور الجوائز اللي مب عاجبك راح يشجع مع الجمهور اللي ياي يشجع فريقه .. وحط هالشي في بالك ان أي نادي يعمل تسويق وجوائز لحضور المباريات ينجح ويحقق ربح مالي وجمهور كبير ..
وبعدين على فكرة اللاعب ما بيشوف منو اللي يشجعه ومنو اللي ما يشجعه .. لان في طول المباراة راح يركز ويبا يفوز ويكسب حماس جماهيره .. الفارق كبير يوم بيدخل ويشوف هالجمهور الكبير اللي حاضر يؤازره .. وفي نفس الوقت ما يحط في باله ان جوائز وهالخرابيط .. كل اللي بيحطه في باله هالجمهور الكبير اللي حاضر ..

الأخ الشارقة
بخصوص ما طرح في وسائل الاعلام .. احب اقولك شي واحد !! ان الموضوع تم طرحه بخصوص المباريات اللي نلعبها في البطولات الآسيويه أو كأس الخليج .. ما تم طرحه بخصوص الدوري الاماراتي !!
والدليل واضح يا كابتن ( شوف نادي العين شو يسوي في الدوري والبطولة الآسيوية ) وكفاية تصريحات الشيخ محمد بن زايد لما قال اني واحد من الجماهير ..
وبالنسبة لجمهور نادي الوحدة !! أحب اقولك اني حضرت كذا مباراة لاصحاب السعادة وشفت العجب وشفت الكل يشجع ( يعني عكس اللي قلته ) واتمنى انك تشوف وتابع الجمهور الوحداوي بكل دقة ..

الأخ شرجاوي وبس
بخصوص كلامك هذا ( اللي ياي متعنّي يبا يشجع بيشجع من خاطرة ) أتمنى انك تشوف الكلام اللي وجهته للأخ الزعيم الشرجاوي ..
أما كلامك في الفقرة الثانية بصراحة ( لا تعليق ) لأن نحن ما لعبنا مع ايران في امم آسيا ومستغرب من كلامك .. أتمنى انك تراجع ملف كأس امم آسيا بكل دقة وانك تستعيد ذاكرتك شوي عشان أعرف اتناقش وياك ..

تحياتي
البرنس
15-03-2003, 07:03
انا عندي رائي صح ...... اول شي ماله داعي بفكرة البطاقه والسحوبات الحين ومستحيل الاداره ماتفكر بهذا الموضوع .... الي لازم يستوي هذي الفتره هو مدرجات الدرجه الاولى تكون تذكرتها بعشرين درهم ؟؟؟لانه معظم الي في الدرجه الاولى من المتعصبين للفريق وبيدفعون لو اميه ......؟

والدرجه الثانيه تكون التذكره بعشر دراهم ؟؟؟ لانه الدرجه الثانيه الي يدخلونها هم الي يايبين عيالهم واخوانهم الصغار ؟؟؟

واقترح انه ماياخذون اي درهم من الي اعمارهم اتقل عن ال18 ؟؟ لانهم طلاب ويمكن ماعندهم فلوس ؟؟

وهذا مجرد رائ بس انه النادي يسوي سحوبات وغيره هذا مشروع حلو بس مب وقته الحين الاداره توها مرتاحه من شبح الهبوط ويالسه اتخطط حق المستقبل وخلهم يسوون كل شي على راحتهم

تحياتي مراسلكم من الشارقه البرنس
الـمـ(al~sharjawi)ــلـك
15-03-2003, 14:11
بصراحه يا البرنس كلامك صحيح لان نحن نص جمهورنا اعمارهم تحت 18 و انا منهم بس انا ماتهمني بكم التذكر انا همي اني احضر كل مباريات الابيض على ملعبه
شرجاوي وبس
15-03-2003, 16:49
يوسف عبدالله محمد

أنا ما قصدت انه احنا لعبنا ضد إيران.. بس في إحدى المباريات كانت مباراة إيران قبلنا وانا كنت حاضر وصوتهم كان مدوي جدا مع العلم انهم قليلين وبدأت مباراتنا ونحن بعد شجعنا وكان تشجيعنا جيد ولكن ليس كتشجيعهم.
الــخـيـّـال
15-03-2003, 17:15
الأخ شرجاوي وبس

شكراً لمواصلتك معنا بخصوص هالاقتراح ولمشاركاتك الفعالة في المنتدى ..

أحب اقولك ان في فرق بين جمهور الامارات وجمهور ايران !!
للأسف أكثر جماهير الامارات حالياً يسيرون المباريات مع ( المكسرات والمشروبات ) وبس .. وتشووفهم يالسين بس ياكلون ويطالعون المباراة بدون تشجيع الا في حالة تسجيل هدف .

وعلى فكرة أغلب الجماهير !! يستحون يصارخون أو يصفقون ..

أما الجمهور الايراني !! كل همهم تشجيع الفريق وبس عشان الفوز .. يعني ما يفكرون في الاكل أو يستحون يصفقون ..

وعلى فكرة كل الكلام اللي قلته انا فوق !! ما يطبق في مدينة زايد وما بتفق معاك لأن اذا امتلأت مدينة زايد ( فقط ) بالجمهور الاماراتي !! ماعتقد أي جمهور يتحداهم ..

هاللي اقدر اقولك اياه ..

تحياتي لك :)
الــخـيـّـال
02-04-2003, 14:15
الأخ البرنس
أيضاً اقتراحك حلو وبالفعل المفروض الادراة تقدر صغار السن لكن للأسف ..

وبخصوص خلهم يرتاحون لأن توهم مرتاحين من شبح الهبوط !!
اعتقد ان في وقت كافي واكثر من 3 شهور من بداية الدوري ..


تحياتي :)