العنبري لن يعود للشارقة

[الشرجاوي]

العنبرى لن يعود للشارقه
نعم العنبرى لن يعود فى الموسم القادم للشارقه بسب ارتباطه بالدوره فى كلية الشرطه والمعلومه ماخوذه من الاعب نفسه

وان شاء الله يتم نواف


منقوووووول

[عجايب]

الصراحه تخبلنا ... كل يوم يقولون شي .. مره يقولون بيرجع ومره يقولون لا ..
والله لو ما رجع للشارجه ..هو الخسران .. والبركه بالموجودين ان شاء الله ..

[الملك الشرجاوي]

السلام عليكم ورحمة الله وبركاته،

اخوي " الشرجاوي " انته متأكد من هذا الكلام .

- ترانه كل يوم نسمع شي ، الجرايد تقول خلاص انتهت فترة الاعارة

وبيرجع العنبري حق الفريق ، واليوم نسمع انه ما بيرجع ...؟؟!!!

- هذا اللاعب حبيبنه ، و في ريحه من ريحة الجيل الجديم ...؟؟

- ان شا الله بيرجع ... بيرجع ... بيرجع ...( بتم اردد هذي العبارة ) .

- ولازم الادارة ما تتخلى عنه بهسهولة...

- رجاء حق كل الاعضاء اللي يعرف اي معلومة عن " المايسترو أو الكونكورد " الشرجاوي يخبرنه ...

- العنبري في قلوبنا ... العنبري في قلوبنا ...



أخوكم،،

الملك الشرجاوي..

[الزعيم الشرجاوي]

أخوي يا ليت تتأكدلنا من المصدر

[Sharj@we]

الصراحة ان العنبري مثل لويس فيغو الي قال ما بينيقل من برشلونة و أكد لكل الصحف انه بيبقى في برشلونة وبعد اسبوع العالم الرياضي تفاجئ بنتقاله الى ريال مدريد والعنبري شكله يبغي يسوي نفس الحركة

[البرنس]

اي دوره بعد اترا خلص الدوره واتخرج وشي واحد من اهلنا كان ماسك دفعتهم حتى قال شفناه اول اسبوع يدرب ويطلع وعقب مووووووووول ماشفنا وخرجوه ويا الباقين؟؟؟؟؟

اذا العنبري قال عنده دوره فغلط حتى هو غلطان لانه خلاص ماشي دوره واذا في دوره بيكون مدتها اسبوع وهاي دوره تنشيطيه والعنبري مابياخذها لانه ماصارله كم شهر متخرج

نبا عذر مقنع مب يقولون دوره عسكربه

[عجايب]

الظاهر اخوي البرنس العنبري ما يبغي يرد للشارجه !!!

[لهيـــــــب]

على حسب معلوماتي العنبري ترقى الي رتبه ملازم بدون اي دوره ............

اذا كان كلام العنبري كما ذكرت فظاهر انه لا ينوي العوده الي النادي الذي نشأ واشتهر عن طريقه ...........

كلمه للعنبري : رجعت ام ابيت فالشارقه عائد لعرشه ان طال الزمن ولا قصر.

[فتى الشارقه]

يا جماعه اذكرو الله وما عليكم من الكلام اللي ما له معنى
المصادر هاي ما عليكم منها
قالو لي ويقولون وسمعنا ما عليكم من ها الكلام
يا جماعه والله مافي اي شي من ها الكلام اللي تقولونه
والله يا جماعه امس كنا نكلم العنبري واتخبرته عن الكلام اللي قريته في منتدى العين انه بينتقل هناك قال انه توه يسمع الخبر مني فا هاي كلها اشاعات
واللي يقول ان العنبري ما يبى يرد الشارجه اقول له انك غلطان لانك ما عرفت العنبري عدل
واللي يقول ان العنبري اتخرج اقول له بعده ما تخرج
واللي يقلو ان العنبري علق الرتبه اقول له بعده ما علق
واللي يقول ان الدوره خلصت اقول له ان الدوره شهر 9 بتخلص
والعنبري مب وياهم مستثنينه
والعنبري السنه اليايه بيكون موجود في الشارجه وما عليكم من الكلام الفاضي
يعني لازم اخلي النبري بنفسه ايي ويكتب الكلام اللي تبونه عسب تصدقون :D
تحيااااااااااتي
اخوكم
بو ابراهيم:)

[شرجاوي والموت]

انا روحى شايف العنبرى يتمران مع الفريق ............:p :p :p :D :D ;) ;)








.................................................



احبك موت شرجاوي

[Mr. sharjawi]

العنبري شرجاوي 100%
وما عليكم من كلام الجرايد;)

[المارد الابيض]

الصراحة انا سمعت في احد المنتديات ان العنبري لن يعود
وفي منتدى بيسير العين اصدق منو:::01:::

[الصوت الجريح]

لاتعليق








-127- بوميثااء -127-

[النبض الشرجاوى]

العنبري راجع راجع

و هذا شي أكيد

و تقدرون تتأكدون من النادي

[عجايب]

فتى الشارقه ..

يا ريت اخوي تقول حق العنبري يسجل عدنا ويقولونا ان هالكلام غلط .. وان هو بيرجع للشارجه .. :D

ان شاء الله يرجع .. وبنشوف الموسم الياي شو بيستوي !

[الشرجاوي]

انا نقلت الموضوع و مادري اذا صدق و ولا كذب ان شاء الله ببيرجع

[ملك النحل]

3ALA KEEFAK HOOO !!

[شرجاوي وبس]

المرة الأولى أغلقت أحد المواضيع بخصوص انتقال العنبري لأحد الأندية لأن الموضوع كان مجرد إشاعة ، أما هذه المرة فالأمر يختلف حيث ان الموضوع يقول أن العنبري لديه دورة عسكرية.

في هذه المرة سوف أبقي على الموضوع لحين التأكد من الأمر وسوف أوافيكم بالخبر اليقين غدا بإذن الله.

[شرجاوي وبس]

فليسمح لي صاحب هذا الموضوع لأنني أغلقته نهائيا. فالإشاعات زادت كثيرا عن حدها وقد تم الاتصال باللاعب نفسه ونفى الموضوع جملة وتفصيلا. وقال بأنه لن يدخل أية دورة عسكرية من الأصل.