المساعد الشخصي الرقمي

مشاهدة الإصدار الكامل : للأسف اتحاد الكرة لا ينظر لإقتراحات القراء

الــخـيـّـال
01-03-2003, 22:51
هذا الإقتراح انا كتبته في الجريدة مرتين لكن للأسف اتحاد الكرة ما عطى الموضوع أهمية وكأن كلام الجرايد فقط لمدح شخص معين أو مدح نادي معين !!

مجرد اقتراح !!

لماذا لا يبادر إتحاد الكرة ويقرر بإستبعاد القميص رقم 10 من النتخب والذي اشتهر بإرتدائه اللاعب الكبير عدنان الطلياني ؟؟ ليكون هذا القرار تكريماً لهذا اللاعب الذي أعطى الكثير لمنتخبنا الوطني وهو لاعب كبير وخلوق ويستاهل بوحمدان هاللفتة الرائعة اذا قرر اتحاد الكرة بإستبعاد القميص .

وأخيراً أتمنى من اتحاد الكرة بمناقشة هذا الموضوع وأن يقرر ذلك تكريماً لهذا اللاعب الخلوق عدنان الطلياني .

تحياتي لكم :)

أخوكم يوسف عبدالله محمد
MALINKO
02-03-2003, 00:00
لا لا أنا ما أوافق





لأن افرض ان هناك نجم ( انشاءالله ) جديد يكون مثل الطلياني و أكثر ( بوحمدان على راسي )




و يجب ان يرتدي القميص رقم عشرة أحسن لاعب في المنتخب و يكون القائد علشان يكون خليفة بوحمدان






بس خلاص لا تكب في الجرايد .......... و لا أقول انشر الخبر في جرايد أوروبا





ترى ما في فائدة
عجايب
02-03-2003, 01:11
منو تبغي يسمع كلامك !!! اتحادنا الفاشل ...
MALINKO
02-03-2003, 01:18
لا يا عجايب الاتحاد قام ينشط في هذا الايام بس تعرفين سوالف الايقاف و الحكام و الفرامات المالية و مشاجرات الجماهير كل هذا طايح على رأسهم





و المنتخب بصوب ثاني و الله يكون بعونه في كأس العالم
الزعيم الشرجاوي
02-03-2003, 14:14
أنا أؤيد عزوز

يعني هالحركة في كل دول العالم ما شفناها إلا مع لاعب مستحيل يتكرر كمارادونا
MALINKO
02-03-2003, 22:28
شكرا على التأييد
الصوت الجريح
03-03-2003, 08:25
أنا أضم صوتي لصوت الأخ كاتب محترف...
الأخ عزوز..
ما أعتقد بأنه راح يطلع لاعب مثل بوحمدان لأن بوحمدان في عمره مافكر يلعب كرة عشان الحوافز والمكافآت..
لكن الحين الحين اللعيبه كلهم يلعبون عشان المال والنجم ما يتم نجم في دورينا إلا موسم أو موسمين بالكثير وهذا الحاصل حاليا..
المشعوذه
03-03-2003, 08:42
اتحاد الكره عنده معسكر مغلق لمده 8 سنوات !

عشان جي ما يسمعون مقترحاتكم .. ما توصلهم ! الارسال ضعيف !

لكن عقب ال 8 سنوات بتشوفون العجب .. اصبروا .. الصبر جميل


:rolleyes:
MALINKO
03-03-2003, 14:05
يلى نصبر اذا قدرنا نتلاقى بعد 8 سنوات و الله عطانا العمر نشوف
الزعيم الشرجاوي
03-03-2003, 17:00
هذا معسكر مغلق عجيب

الإرسال ضعيف ... لكن في حالة شكوى أو مقترح من ناديي الوحدة أو العين تجد الارسال صار فل

الله يعينا

أخاف بعد المعسكر المغلق يدخل في بيات شتوي
الــخـيـّـال
03-03-2003, 22:59
عزوز

أول شي أحب أقولك وتأكد من هالشي ان من سابع المستحيلات تشوف لاعب مثل الطلياني .. ما بتشوف لاعب بنفس أخلاق بو حمدان .. لاعب كبير مثل هذا يستحق هالتكريم وأكثر بعد .. اللي عمله بو حمدان ماعتقد يعمله أي لاعب اماراتي ثاني في المستقبل ..

ويكون في علمك ان الجميع رحب بالموضوع لكن للأسف اتحاد الكرة ( علام استفهام )

اذا كنت ما تعرف بو حمدان اللي هو عدنان الطلياني !! اتمنى انك تسأل الأكبر منك سناً لكي تعلم من هو اللاعب الذي حضر مهرجان تكريمه في مدينة زايد 70 ألف متفرج

تحياتي لك يا كابتن
الــخـيـّـال
03-03-2003, 23:01
عجايب

شكراً للمشاركة والتواصل معانا وانشالله اتحاد الكرة يدرس الموضوع



تحياتي
الــخـيـّـال
03-03-2003, 23:08
الزعيم الشرجاوي

مارادونا من كوكب ثاني .. والطلياني من كوكب آخر

وبخصوص اللاعب اللي يستاهل ( على كلامك بس مارادونا يستاهل ) وقصدك ان ليش كل المنتخبات ما عملت هالشي .. بقولك اياه لأن المنتخبات الثانية يروح منها نجم .. تشوف نجم ثاني وثالث ورابع معاهم
يعني يحصلون لاعب صح

مب نفسنا نحن !! آه يزمن ياسر سالم قام يلبس القميص اللي كان يلبسه الطلياني ( والله فضيحة )

والظاهر نيستوا فاكهة الامارات





تحياتي
الــخـيـّـال
03-03-2003, 23:17
المشعوذه

اذا كان قصدج 8 سنوات المستقبل

صدقيني بتمر هالسنين وكأن ما حصل حاجة ولا بيستوي شي

نعم الصبر جميل !! لكن مب أكثر من 15 سنة

ومثل ماقال الزعيم الشرجاوي !! لو اندية الوحدة والعين قدموا اقتراحات أو شكاوي .. حرام لا تفتح أبواب الاتحاد فجراً

كل شي مفهوم يالمشعوذة





تحياتي
المشعوذه
03-03-2003, 23:38
كاتب محترف

انت ما فهمت علي


:::00:::
MALINKO
03-03-2003, 23:40
لا أنا مو قصدي أن سيضهر أحسن





قصدي لنتخيل و نفرض أن هناك لاعب بمستواه في اللعب و الاخلاق ( أعرف أنه صعب ) لكن ..........
الــخـيـّـال
05-03-2003, 23:18
المشعوذه

بصراحة قريته كم مرة وما فهمت شو تقصدين بالضبط !!

بس اللي فهمته انج تتكلمين عن مستقبل الكرة الاماراتية ..

وبخصوص الارسال ضعيف !! اعتقد ان الارسال يستوي قوي عندما تدخل اندية العين والوحدة على الخط !!


تحياتي :)
الــخـيـّـال
05-03-2003, 23:20
عزوز

شكراً لتفهمك للموضوع وبعد برد عليك ( صدقني ماراح نشوف لاعب مثل بوحمدان ولا بنتخيل )



تحياتي :)
المشعوذه
06-03-2003, 01:40
الاخ يوسف ..


انا قلت ان الارسال ضعيف .. و ما يسمعون اقتراحاتكم ..

لكن ما قلت انهم ما يسمعون لغيركم ;)


انا احط على الاتحاد .. لكن بطريقه غير مباشره .. و الشاطر يفهم :)
الــخـيـّـال
06-03-2003, 01:45
الأخت المشعوذه

اوكي بس المفهوم من كلامج بعد انهم يستجيبون للوحدة والعين اكثر

عالعمووم تسلمين على المواصلة في المنتدى ..

تحياتي :)
المشعوذه
06-03-2003, 02:14
كاتب الرسالة الأصلية يوسف عبدالله محمد


اوكي بس المفهوم من كلامج بعد انهم يستجيبون للوحدة والعين اكثر



منو قال .. الواقع انهم يستجيبون للوحده و العين فقط ;)

و الباجي .. تكمله عدد لا اكثر .. و لا اقل !!
الــخـيـّـال
06-03-2003, 02:24
المشعوذه

انزين اوكي تراني قتلج انهم يستجيبون لأندية الوحدة والعين واتفقت معاج في الراي

تحياتي :)
الشارقه
07-03-2003, 03:20
الاستاذ يوسف عبدالله

ما اعرف شو دخل رقم الفانيلة (10)
الطلياني اشتهر باسمه و بلعبه و بفنه
ما اشتهر بالفانيلة اللي يلبسها
الرقم ماله دخل في الموضوع ما يقدم و لا ياخر


الارجنتين عندما قامت بمنع ارتداء القميص رقم 10 حصلت لها مشكلة في كاس العالم اجبرها على تغيير هذا القانون
يعني رسميا لا تستطيع تنفيذ هذه الفكرة لان الاتحاد الدولي حدد الارقام بعدد اللاعبين يعني في اول بطولة رسمية راح تنلغي هاي الفكرة

-----------------------------------------------------------------------------------------------------
وبخصوص اللاعب اللي يستاهل ( على كلامك بس مارادونا يستاهل ) وقصدك ان ليش كل المنتخبات ما عملت هالشي .. بقولك اياه لأن المنتخبات الثانية يروح منها نجم .. تشوف نجم ثاني وثالث ورابع معاهم
يعني يحصلون لاعب صح
-----------------------------------------------------------------------------------------------------


هذا اقرار منك بانه لازم يظهر نجم اخر
نحن مقارنة بالارجنتين و لا شيء
عيلنا الانتظار سنوات و سنوات حتى ننتظر ظهور لاعب مثل الطلياني
يمكن يجي اللاعب اللي يوصلنا لكاس العالم
و يوصل لما هو ابعد من هذا
وقتها
راح تقول فيه لاعب افضل من الطلياني
الــخـيـّـال
07-03-2003, 22:45
الأخ الشارقة

بخصوص استبعاد الرقم 10 .. انا تكلمت عن هالشي كمجرد اقتراح وتكريم للاعب اللي اعطى الكثير للكرة الاماراتية وكل شي بيد اتحاد الكرة ( يعني حرام الواحد يقترح ) .. وبخصوص اللائحة في الاتحاد الدولي ترا الحبيب بلاتر قالها في اليابان ان راح يراجعون الموضوع ويمكن ينزلون بند جديد بالسماح للمنتخب الارجنيتني بعدم ارتداء أي لاعب الرقم 10 بس بعد نهاية كأس العالم ..

ويكون في علمك الاتحاد الارجنتيني لما قرر استبعاد الرقم 10 ما كان يعرف ببند الفيفا الا في اليابان ..

وبخصوص نجم ثاني يظهر في المنتخب !!
يا حبيبي لا تحطنا مع اوروبا وامريكا الجنوبية وحتى افريقيا .. هناك يدفعون الملايين عشان التطور مب نحن .. وبالنسبة للاعب اللي راح يصعدنا كأس العالم .. انا ماعتقد نشوف لاعب بوزن بو حمدان .. الطلياني راح بموهبته وبأخلاقه يا كابتن ولا تحلم تشوف أي لاعب ثاني يكون بنفس مواصفات اللاعب الخلوق عدنان الطلياني ..


تحياتي لك
الشارقه
10-03-2003, 09:52
السلام و عليكم اخوي يوسف

الاتحاد لم يغير موقفه حتى الان من موضوع الرقم 10

و انا استغر من موقفك بشان ظهور نجم اخر غير الطلياني

شوف سيرة المنتخبات

نجوم تروح

و نجوم تجي


و نجوم تنولد و نجوم تموت



لازم يجي يوم و يطلع لاعب احسن من عدنان
الــخـيـّـال
11-03-2003, 21:36
الأخ الشارقه

بخصوص موقفي في عدم ظهور لاعب شرات عدنان الطلياني !! بعد برد عليك مليون مرة وبقولك ماعتقد نشوف لاعب بحجم بوحمدان .. هذا لاعب نادر وصعب تشوف لاعب مثله ..
وأصلاً انا اتمنى نشوف لاعب كبير ويحقق طموحاتنا وأفضل من الطلياني .. بس بعد ماعتقد ..

وبخصوص استبعاد الرقم 10 !!
ياخي مب لازم يستبعدون الرقم هذا للأبد .. يقدرون يستبعدونه لمدة معينة أو لحين ظهور لاعب مثل البرنس عدنان الطلياني ..

وانا اتفق معاك بخصوص ( نجوم تنولد من جديد ونجوم تموت ) لكن للأسف هذا يحصل في البلدان الثانية مب عندنا في الامارات ..

تحياتي لك :)
البرنس
15-03-2003, 15:09
انا وياكم انه مافي لاعب بيطلع مثل بو حمدان وانا اعرف انه لازم ينشل القميص رقم عشره من المنتخب ؟؟؟؟ بس ماتستوي ؟؟؟؟

يعني اذا كان عدد اللاعبين الي بيشاركون في دوره عددهم 24 لاعب ؟واتخيلوا رقم عشره مب موجود ؟؟ اكيد حد من اللاعيبه بيلبس الفانيله رقم 25 وبهاي الصوره بيستوي عدد البعثه 25 وهذا غلط ؟ واذا قالوا مال الاتحاد نحن شالين رقم عشره تكريم حق لاعب اتحاد الفيفا بيرفض ؟؟ومثل ماتعرفون رفضوا هاي الفكره يوم الارجنتين سوتها في كاس العالم 2002 ؟؟ولبس الفانيله رقم عشره اللاعب اورتيغا ؟؟
البرنس
15-03-2003, 15:12
اخ يوسف انا ما اوافقك الراي يوم وصفت احد اعضاء المنتدى انه صغير وا لحق على مباريات الطلياني ؟؟؟

مايصير هالكلام انته طرحت موضوع ومب شرط كلهم يكونون موافقينك الراي

رأيي صواب يحتمل الخطأ ورأي غيري خطأ يحتمل الصواب

هاي القاعده لازم اتكون في بالك
ومشكووووووووووووور فديتك