برشلونة يواصل تألقه ويسحق سرقسطة بالاربعة

[الكتبي]

واصل نادي برشلونة الاسباني عروضه القوية هذا الموسم بعد ان اكرم ضيفه القادم من الاندلس بأربعة اهداف تناوب على تسجيلها الكاميروني صامويل ايتو في الدقيقتين ( 26و27) واصاف زميله الاسباني تشافي الهدف الثالث قبل ان ينهي فان برونكهورست مهرجان الاهداف بتسجيله الهدف الرابع في الدقيقة 78 مقابل هدف وحيد لريال سرقسطة عن طريق ديفيد فيا .

قدم برشلونة اداءاً رائعاً كعادته و سيطر على معظم مجريات المباراة و نجح في تحويل خسارته بهدف الى فوز صريح بأربعة اهداف قادته الى الصدارة مناصفة مع فالنسيا الذي يتقدم عليه بفارق الاهداف .

[الملك الشرجاوي]

السلام عليكم ورحمة الله وبركاته،،


الكتبي

- تسلم على الجهد الرائع ويعطيك العافية .

- مبروك لكل عشاق البارصا الفوز الرائع والساحق على فريق ريال
سرقسطة .

- تالق برشلونة راح يشعلل الليغا والمنافسة بتكون نار على نار السنة .


- رونالدينهو تألق وضيع فرصة خرافية ... ( اللي ما شافها نص عمره راح
عليه ) ...:p


- بالتوفيق للبارصا في الجولة الخامسة أمام مايوركا .




أخوكم،،


الملك الشرجاوي

[الكتبي]

هلا اخوي الملك ولا شكر على واجب انا واحد منكم وفيكم ..


بخصوص الفرصة اللي ضيعها رونالينهو بصراحة خرافية .. وكنت اتمنى ان يسجل منها هدف لانه قدم مستوى اكثر من خرافي ..

[العوفـى]

هذي الفرحة اللي كنت أتكلم عنها أخوي الملك الشرجاوي, مشكوووور أخوي الكتبي على هالخبريه الحلوه :) الحين ردت الروح

[الملك الشرجاوي]

السلام عليكم ورحمة الله وبركاته،،


الكتبي

- شكراً مرة ثانية وشكلك وايد تحب ( الليغا الاسباني ) ;)

- بالتوفيق ويعطيك العافية .


العوفي

- أهم شيء ترد لك الروح ترى برشلونة ناوي ه السنة يفرح كل محبينه
بعد 5 سنوات عجاف ...!!


- بعد تسجيل إكزافي الهدف الثالث شفت رئيس النادي ( لابورتا ) يفرح
من قلبه جنه من 100 سنة ما فرح ...!!!


- في مثل يقولونه مشجعي البارصا ( شجع البارصا وريح بالك ) ...:p


http://home.elka.pw.edu.pl/~kadamski/pics/barca.gif


أخوكم،،


الملك الشرجاوي