تأجيل البت في عقد جمعة ربيع للمجلس الجديد ..

[عجايب]

علمت «الرياضة» ان ادارة نادي الشارقة قد ارجأت البت في موضوع تجديد تعاقد المدرب الوطني جمعة ربيع الى حين تشكيل مجلس ادارة جديد بعد انعقاد اول اجتماع لمجلس الشرف الشرقاوي برئاسة الشيخ عبدالله بن محمد آل ثاني والذي تحدد له يوم 26 الجاري بفندق ميلينيوم الشارقة والذي سيتم خلاله وضع اسس العمل بالنادي خلال المرحلة المقبلة واختيار رئيس جديد لمجلس الادارة يتولى ادارة العمل خلال المرحلة المقبلة وهناك اكثر من قطب شرقاوي كبير مرشح لتولي هذا المنصب.

من البيان ..


انتوا شو رايكم .. بيجددون وياه العقد .. ولا لا !!!

[النبض الشرجاوى]

أكيد يجددون العقد

[شرجاوي مخضرم]

الشارجه من بعد ما مسك جمعه ربيع الفريق وهو في تحسن وثبات في المستوى ،، وتقريبا فريقنا صار له كم سنه يواجه تذبذب وهبوط في المستوى والحمد لله بوجود بو ربيع وتكاتف كل الشرجاويه في الاداره قدر الفريق يتحسن مستواه ويشكل تهديد للفرق الاخرى ،،، واتمنى ان يتم تجديد عقد جمعه ربيع ،، لان قبل جمعه ربيع جربنا وايد مدربين على مدى خمس سنوات كلهم باءت محاولاتهم بالفشل وما قدر غير جمعه ربيع يعطي شكل وروح واسلوب لهذا الفريق .

تحياتي لج عجايب على جهودج واخبارج ومواضيعج وربي يعطيج العافيه .

[عجايب]

النبض شكرا اختي على المشاركه ..

شرجاوي مخضرم ..
الله يعافيك اخوي .. تسلم ..

واكيد طبعا الفريق تغير من بعد ما استلمه الكابتن جمعه .. وان شاء الله يجددون وياه العقد .. بس طبعا تعرف .. المدرب المواطن عدنا مدرب للطوارئ وبس .. مدرب مؤقت !!

[الصوت الجريح]

أنا أتمنى أنهم يجددون العقد مع المدرب المواطن جمعة ربيع بس ما أعتقد أنهم بيجددون العقد وياه والسبب لأن ما في ثقة في المدربين المواطنين مع أنهم اثبتوا للكل أنهم أفضل من المدربين الأجانب..








-127- بوميثااء -127-

[شرجاوي وبس]

ما أقدر أضيف شي على اللي قاله الكابتن الكبير "بوميثاء".

[الأبــ تميز ـــيض]

مستحيل !!! منو عندهم يعني افضل من جمعه ...

من هو افضل مدرب في أخر كأس عالم اليس المدرب ميتسو مدرب العين اليس هو افضل مدرب في هذه الكأس ....

وتغلب عليه جمعه مرتين هالموسم والكل يشهد وعلى كثير من المدربين (( الخواجات )) وبالعكس بعد النجاح اللي حققه جمعة ربيع مع الشارقة اعتقد ان للمدرب المواطن اولوية وراح نشوف هذا الشي في الموسم القادم ان شاءالله بعد ما يتعاقدون مع مدربين خواجات ويفنشوونهم بيحطون مكانهم مواطنين ويثبتون ....

انا شخصيا اعتقد انهم راح يجددون له ويجددون له الثقه مع اللاعبين واكيد راح يزيدون راتبه وانا اطالب بالزياده لانه يستاهل اكثر من الخواجات الصراحه سوى للفريق شكل والفريق في اوج التطوير ...

واعتقد انهم اجلوا عشان هذا الشي عشان يزيدونه ويعطونه امتيازات مثله مثل اي مدرب اجنبي :D

تحياتي

[ا لــصــقــر]

مشكوره عجايب ع الخبر ..


و اعتقد انهم ما راح يجددون العقد وياه..:(

[عجايب]

مشكورين كلكم على ردودكم .

ولين الحين 3 ( وانا وياكم 4 ) يتوقعون ان الاداره ما بتجدد عقد الكابتن جمعه .. و3 يتوقعون العكس ..

على العموم ان شاء الله خير .. :)

[الزعيم الشرجاوي]

أتوقع أن الإدارة ستجدد لجمعة ربيع

[الملك الشرجاوي]

السلام عليكم ورحمة الله وبركاته،

تسلمين على الموضوع أختي " عجايب " .

- اعتقد انه الاب الحنون ، الكابتن الكبير جمعه ربيع راح يستمر مع الفريق

وان شا الله راح يجددون معاه لانه هو الرجل المناسب حق الفريق .



أخوكم،،

الملك الشرجاوي..

[عجايب]

5 .. الاداره بتجدد ..
4 .. الاداره ما بتجدد ..

[MALINKO]

أنا متأكد 1000000000% انهم بيجددزن العقد .

[المبتلي]

اتمنى ان جمعة ربيع يستمر مع الفريق خاصة وان جمعة عرف كيف يتعامل مع اللاعبين ويحل المشاكل اللي كانوا يعانون منها.
واذا الادارة قررت تغيير المدرب فهل تضمن ان الود والتواصل الموجود بين جمعة واللاعبين من ناحية وبين جمعة والادارة من ناحية أخرى راح يستمر مع المدرب اليديد ؟؟.
ونتمنى من الادارة انها تجدد العقد مع جمعة وانها ما تنسى عدد المدربين اللي مروا على الفريق الموسم الحالي وكيف فشلوا في الارتقاء بمستوى الفريق .
جمعة ربيع هو اصلح واحد للفريق في الوقت الحالي لانه واحد من الفريق وحاس في اللاعبين وعارف مشاكلهم ولا قدر الله حتى لو طلعنا من الكأس المفروض يستمر جمعة ربيع يا ما مدربين كبار خسروا مباريات ومثل ما قال صاحب السمو الشيخ الدكتور سلطان بن محمد القاسمي للاعبي الفريق يوم فازوا بالكاس بعد مباراتهم مع الوصل في النهائي "" اذا الفريق لعب ابروح وأدى مباراة جميلة وكبيرة وخسر أحسن من انه يفوز وما يقدم المستوى المطلوب ""
انا قصدي من هالكلام انه جمعة ربيع خلى الفريق يلعب كرة سلسة جميلة وفي المرحلة الحالية الفوز مب الأهم من بناء الفريق وهذي مهمة جمعة ربيع فأتمنى أنه يستمر ونحن كجمهور راح انساند جمعة ربيع وما راح انطالبه بالمستحيل وبنعطيه كل الوقت اللي يبيه لين هو يقول بس خلاص ما عندي شي يديد اقدمه واتمنى ان الادارة اتسانده معانا.

وشكرا